SPORTE TE TJERA

Ka qenë deri një vit më parë pjesë e ekipit të çiklizmit të Vllaznisë por pas disa problemeve që pati me drejtuesit e klubit Vllaznia në momentin e shkrirjes së këtij ekipi. Ardit Vorfa vendosi ta braktisë sportin e tij të dashur ngaqë po e shihte se askush nuk e kishte seriozisht. Megjithatë as një vit larg dhe nuk ka mundur të qëndrojë më tepër. Ardit Vorfa prej pak ditësh ka rifilluar sërish stërvitjen me ekipin e Vllaznisë.

Medaljet për Akademinë “Albania Xhudo Kodokan” nuk kanë të ndalur. 5 xhudistë të kësaj Akademie sërish kanë arritur të marrin 5 medalje në një turne të zhvilluar në Malin e Zi. Destinacioni kësaj here ka qenë Podgorica. Akademia “Albania Xhudo Kodokan” e drejtuar nga Presidenti Anton Shkoza ka qenë e ftuar për të marrë pjesë në kupën “Oslopodenja Podgorice”. Ky turne që është ndër më të mëdhatë në Malin e Zi është organizuar nga klubi vendas i xhudos “Milenijum Podgorica”.

11 medalje arrin të fitojnë xhudistët e Vllaznisë dhe të Vau Dejës në turneun “Adem Jashari” që u zhvillua në Kosovë në Prishtinë në palestrën e sporteve “Adem dhe Hamz Jashari”. Aty lufta sportive ka qenë e fortë sepse kanë marrë pjesë vxhudistë cilësorë si dhe kanë garuar 11 shtete. Pjesëmarrese kanë qenë vendet e Shqipërisë, Sllovenisë, Rumanisë, Bollgarisë, Greqisë, Hungarisë, Bosnje Hercegovinës, Malit të Zi, Austrisë, Maqedonisë, Kroacisë, Serbië, Çekisë, Sllovakisë, Belgjikës e Norvgjisë.

Pak kohë më parë është nderuar me titullin e lartë "Mjeshtër i Madh" nga ana e Presidentit të Republikës për punën e bërë prej vitesh me mundjen shkodrane. Dedë Bregu ndjehet krenar për atë  çfarë ka bërë por nga ana tjetër, mendon se mund të bëjë më tepër për të. Megjithatë meraku më i madh është nëse do jetë gjallë në momentin kur do të ndërtohet palestra e mundjes së Vllaznisë. Po i afrohet të 70-tave dhe sigurisht që ndjen se gjërat nuk po marrin zgjidhjen e duhur prandaj dhe e ka një merak të madh.

Tre skuadrat e Akademisë “Albania Xhudo Kodokan” kanë arritur të marrin 8 medalje në një turne Internacional që është zhvilluar në Malin e Zi i quajtur “Simanoviç”. Aty gara ka qenë shumë e fortë sepse pjesëmarrës ishin sportistë cilësor dhe fitues të shumë medaljeve.

Në Tiranë është duke u zhvilluar kampionati kombëtar në shah për të rritur. Marrin pjesë në këtë kampionat ekipet më të mira të vendit mes të cilëve edhe Vllaznia e Shkodrës dhe Veleçiku I Koplikut kampion në fuqi I vendit. Por ekipi koplikas këtë kampionat duket larg pretendimeve të mëparshme e kjo shikohet edhe në ecurinë e deritanishme.

Batutat e tij nuk kanë të sosur. Humoristi i njohur shkodran Nexho Shabani që njihet edhe si tifoz i zjarrtë i Vllaznisë natyrisht që e ka ndjekë me shqetësim edhe dëmtimin e dy futbollistëve, Popoviç të Vllaznisë dhe Dimos së Bylisit në ndeshjen e së shtunës. Pyetja e parë që u ka bërë ai gazetarëve dje ka qenë: “Si janë? Dhe kur ka mësuar se gjendja e tyre është përmirësuar, ka lëshuar edhe batutën e tij: “Është ba edhe futbolli si motoçiklizmi, sport i rrezikshëm.

Skuadra e Vllaznisë në xhudo ka fituar 3 medalje në turneun e zhvilluar në Malin e Zi. Kuqeblutë që janë pjesë edhe e Akademisë “Albania Xhudo kodokan” me qendër në Vau Dejës ka arritur rezultate të larta. Xhudistët kanë përfaqësuar edhe vendin e tyre Shqipërinë në shtetin fqinj. Në peshën 46 kilogramë Xhovan Shkoza për pioner ka fituar medaljen e arit.

Xhudisti i ekipit të Vau Dejësit Lurjan Kaci ka përfaqësuar Shqipërinë dhe ka marrë medaljen e bronztë në turneun “Borsia Cup Open” për moshat që është zhvilluar në Bosnjë nga datët 30 shtator-2 tetor. Ai ka konkurruar në kategorinë e peshës deri 60 kg dhe ka fituar 4 ndeshje duke humbur ndaj kampionit të Ballkanit dhe për rrjedhojë ka zënë vendin e tretë.

Pas shkrirjes së ekipeve të mundjes të klubit Vllaznia pas fillimit të viteve ’90, ato u krijuan sërish në vitin 1998. Drejtuesit e klubit bënë çmos për ta kthyer këtë sport elitar dhe një vit më vonë pranë mundjes ofrohet edhe biznesmeni Ilmi Kurti që zgjidhet edhe si president i këtij sporti, post që e mban deri në vitin 2006.