Xherdan Shaqiri e ka kaluar shpejt koronavirusin. Sulmuesi i Liverpul para dy ditëve rezultoi pozitiv me COVID-19, mirëpo në testimin e fundit ka qenë negativ dhe me shumë mundësi e ka kaluar virusin e rrezikshëm.
Kështu, pas testimit të bërë nga të gjithë pjesëtaret e kombëtares së Zvicrës, i vetmi që është konfirmuar pozitiv është mbrojtësi Manuel Akanxhi, i cili është i izoluar dhe nuk ka shfaqur simptoma.
Ndërkohë, të shtunën Zvicra luan ndeshjen e Ligës së Kombeve ndaj Spanjës dhe në pasditen e sotme do të udhëtojë drejt vendit iberik.
Mësohet se Shaqiri do të jetë në avion me pjesën tjetër të skuadrës, por ende është e paqartë nëse do të mund të aktivizohet teksa pritet një vendim nga ana e Komisionit Mjekësor të UEFA-s, pasi për të zbritur në fushë duhet siguri maksimale. /VipSport/
