Kampionati ka nisur ne menyren me te mire te mundshme per Vllaznine e basketbollit te femrave e cila ne dy javet e para te kampionatit, ka arritur te marre dy fitore dhe duke treguar se sivjet do kete me shume ambicje ne krahasim me sezonet e kaluara.
Nderkohe ne ndeshjen e javes se dyte, ate ndaj Barletit te fituar me shifrat e thella 88-19, kane spikatur disa prej lojtareve te ekipit shkodran, te cilat ne baze te statistikave jane zgjedhur jo me kot edhe ne 5-shen me te mire te javes nga Federata Shqiptare e Basketbollit.
Dhe ajo çka eshte me interesantja, ka te beje me faktin qe ne “TOP 5”, 3 lojtare jane te Vllaznise dhe pikerisht Melida Hykaj, Ingrid Dashja dhe Bernada Rreshpja. Kjo e fundit madje eshte shpallur edhe lojtarja MVP (me e vlefshme) e javes se dyte te kampionatit.
Statistikat e saj ne ndeshjen e kesaj jave jane vertete interesante, me 35 pike te shenuara, 6 rebounde dhe 5 asiste, me indeks +46. Ne vendin e dyte eshte renditur nje tjeter lojtare e Vllaznise, Ingrid Dashja me 16 pike, 10 rebounde, 8 asiste dhe me indeks +34.
Ne vendin e trete eshte lojtarja e Flamurtarit Ornela Lalaj (23 PTS , 16 REB, 2 AST , +30 indeks), ne te katertin lojtarja e Teutes Imani Dixon (19 PTS , 16 REB, 0 AST , +29 indeks) dhe ne te pestin lojtarja tjeter e Vllaznise Melida Hykaj e cila ka pase keto statistika ne ndeshjen ndaj Barletit (6 PTS , 14 REB, 8 AST , +28 indeksi)./SHKODRA-SPORT.COM/
