✍️ Shkruar nga “Shkodra Sport”
Tjetër paraqitje e mirë e notarit shkodran Arbër Hysaj. Në takimin ndërkombëtar të notit që u zhvillua dje dhe sot në Shkup të Maqedonisë së Veriut, ai ka marrë tre medalje, 2 argjendi dhe një bronzi.
Në “8-th INTERNATIONAL SWIMMING MEETING SKOPJE OPEN 25‟ morën pjesë plot 429 notarë, pjestarë të 49 klubeve nga Sllovenia, Mali i Zi, Serbia, Bosnjë- Hercegovina, Kosova, Shqipëria, Bullgaria, Maqedonia e Veriut, Greqia dhe Italia.
Në këtë aktivitet, duke bërë paraqitje shumë të mira dhe si rrjedhojë mori 3 medalje: 2 medalje argjendi dhe 1 medalje bronzi. Kështu në 50 m stil i lirë ai ka zënë vendin e dytë dhe ka marrë medalje agjendi. Në 50 m shpinë, po ashtu ka marrë medalje argjendi, ndërsa në 100 m stil i lirë ka zënë vendin e tretë dhe ka marrë medalje bronzi.
Këto rezultate sigurisht që tregojnë edhe njëherë tjetër për vlerat e këtij sportisti i cili po spikat me paraqitjet e tij dhe këtë e tregoi edhe në garat e fundit të zhvilluara në Shkup.
