Hejn Alemajn, një shpikës pajisjesh dhe sendesh sportive, kërcënon se do të hedh në gjyq organin më të lartë të futbollit, FIFA-n, sepse “i vodhi idenë” dhe dëmshpërblimi që ai kërkon është 100 milionë euro. Javën e kaluar, një gjykatë në Rio de Zhaneiro bëri të ditur se Alemajn kishte një liçensë për sprajin e përdorur nga arbitrat në ndeshjet e futbollit. Si rrjedhojë, gjykata urdhëroi FIFA-n të ndalojë përdorimin e sprajit në çdo kompeticion.
Edhe pse urdhëri u lëshua zyrtarisht, FIFA lejoi përdorimin e sprajit në Kupën e Botës për klube, event i cili u mbajt këtë dhjetor.
Në të kaluarën, FIFA ishte përpjekur që të blinte licencën për përdorimin e produktit duke ofruar 500 mijë euro, por marrëveshja mes palëve nuk u arrit asnjëherë sipas shpikësit brazilian. Alemajn thotë se iu deshën 15 vjet për të krijuar një shkumë e cila zhduket vetëm një minutë mbasi është hedhur në fushë dhe ai kërkon një dëmshpërblim prej 100 milion eurosh për përdorimin e jashtëligjshëm të sprajit.
