Vllaznia dhe Erjon Vucaj kanë mbyllur gjithçka mes tyre.
Mesfushori kishte kërkuar që në mars që të mos e vazhdonte kontratën me klubin shkodran, ndërkohë që këtë verë u huazua te Luftëtari dhe luajti në ndeshjet e Europa League kundër Venstpils.
Sot ishte përcaktuar seanca e radhës në Dhomën Kombëtare të Zgjidhjes së Konflikteve dhe këtë herë klubi shkodran ka pasur përfaqësues, ndryshe nga se ndodhi në seancën e pajtimit rrethe një javë më parë.
Nuk është dashur nevoja të ketë një vendim, pasi palët kanë gjetur akordin për të ndërprerë marrëveshjen. Vucaj ka dalë lojtar i lirë, kurse Vllaznia në anën tjetër nuk i ka asnjë detyrim lojtarit. Kjo pohohet edhe nga vetë mesfushori.
“Tani jam lojtar i lirë. Kemi zgjidhur gjithçka me marrëveshje. I uroj Vllaznisë suksese në vijim”, u shpreh shkurtimisht mesfushori për “Sport Ekspres”.
Gjasat janë që Vucaj tanimë të nënshkruajë me Luftëtarin, që e ka bërë ofertën e vet prej kohësh dhe ishte i detyruar që për Europën ta merrte në huazim, kjo për shkak të situatës në klubin shkodran, që ende nuk kishte vendosur se kush do të ishte administratori.
