Roma pësoi një humbje të thellë (4-0) në fushën e Napolit mbrëmjen e kaluar, por trajneri Paulo Fonseca ka marrë një lajm të mirë.
Marash Kumbulla, i cili u infektua me Covid-19 më 10 nëntor, e ka fituar betejën me koronavirusin dhe tani mund të kthehet në fushën e blertë.
Postimi i Kumbullës
Mbrojtësi i talentuar nga Malësia e Madhe ka dalë negativ në tamponin e fundit. Përgjigje që çliron 20-vjeçarin e kombëtares kuqezi dhe gëzon trajnerin e skuadrës kryeqytetase.
“Momenti për t’u kthyer në fushë”, shkruan Kumbulla në foton ku shfaqet duke festuar golin që i shënoi Milanit në “San Siro” një muaj më parë, në takimin që përfundoi 3-3. /abcnews/
