Mbrojtesi i Vllaznise Darko Bulatoviç duket se i ka lene pas problemet e demtimit qe ka patur dhe si rrjedhoje qe prej dites se djeshme ka nisur stervitjen me ekipin. E ka bere kete gje edhe sot dhe gjerat duket se kane shkuar mire.
Kjo do te thote se ai mund te perfshihet ne skuader ndoshta qe prej ndeshjes te se henes ndaj Flamurtarit per kupe, por edhe nese nuk nxitohet per te, per ate te kampionatit ndaj Teutes do te jete i gatshem.
Por nese Bulatoviç sot ka qene i pranishem ne fushen e stervitjes, nuk ka ndodhur keshtu me dy futbollistet kosovare, Liridon Latifi dhe Lorik Boshnjaku. Ata po vazhdojne fazen e rikuperimit dhe synimet jane qe te behen gati per javen tjeter.
Megjithate ka pak shanse qe ata t’i shohim ne fushe ndaj durrsakeve. Kjo ngaqe u be nje kohe disi e gjate larg fushes se stervitjes dhe sigurisht qe duan kohen e vet te kapin formen e tyre me te mire.
Problemet e mungesave kane patur ndikimin e vet tek skuadra ne keto jave te para te kampionatit, megjithate trajneri Josa eshte munduar te mos e shfaqe kete gje, duke u dhene besim lojtareve te tjere sepse kuptohet qe ka nevoje edhe per ta per te dhene me te miren sa here qe u kerkohet./SHKODRA-SPORT.COM/
