FUTBOLL - KATEGORIA E PARE

Pas më shumë se një muaj pritjeje, edhe Besëlidhja, më në fund, e ka trajnerin e saj të ri për sezonin e ardhshëm. Mund të konsiderohet në një farë mënyre surprizë, por ai shtë Sokol Meta. Kur të gjithë prisnin të shihnin në pankinën e lezhjanëve ndonjë emër tjetër, mbrëmë është mësuar dhe në mënyre zyrtare emri i teknikut të ri të Besëlidhjes. Duket se presidenti Gjokë Noka ka preferuar që të zgjedhë në krye të pankinës një trajner, edhe pse jo shumë me emër, por që është punëtor, me energji të reja, kurajoz dhe me ego e ambicje për të shkuar sa më lart, qoftë me ekipin, që ai drejton, por edhe profesionalisht. Gjatë kësaj periudhe, Meta nuk ka qenë emri i vetëm që është lakuar për pankinën e lezhjanëve. Madje mund të themi se emri i tij nuk është përmendur fare, kur kemi parasysh se janë lakuar emra nga Shkodra, Lezha dhe Tirana, por jo i Sokol Metës.