Safet Osja, drejtor teknik i Adës së Velipojës
Ndonëse ende nuk e ka zyrtarizuar largimin e tij nga fusha e blertë, ku luan prej më shumë se 15 sezonesh me radhë, duket se Safet Osja, një ndër mesfushorët më të mirë në kampionatin shqiptar në 15 vitet e fundit, këtë fazë të dytë të kampionatit do të ketë një detyrë dyfishe tek ada e Velipojës, pjesë e së cilës është prej dy sezonesh. Mësohet se presidenca e kësaj skuadre i kanë afruar atij postin e drejtorit teknik, jo vetëm për pjesën e mbetur të sezonit, por edhe për në vazhdimësi. Kështu duket se tani, Osja, i “përforcon” akoma më shumë pozitat e tij tek skuadra velipojake, duke hedhur themelet si drejtues i ardhshëm për të qenë i suksesshëm ashtu si lojtarë dikur.
Fusha e mbuluar me dëborë, shtyhet me 24 orë ndeshja e Kategorisë së Parë
Revolucion në Kategorinë e Parë, zbardhet propozimi. Ja si ndryshon gara
3 llogari bankare të bllokuara, te Flamurtari kërkojnë ndihmën e Bashkisë
Trajneri Alcani ‘shpërthen’ ndaj arbitrave: Ordinerë që shiten për 2 lekë!
Pas Flamurtarit, Samuel Nikaj do ngjisë Kastriotin në Superligë
Trajneri shkodran Samuel Nikaj mund të konsiderohet më së miri si trajner i ngjitjes së skuadrave nga kategoria e parë në Superligë. E ka bërë këtë gjë sezonin e kaluar me Flamurtarin e Prishtinës kur e mori në vendin e nëntë dhe e shpalli kampion të kategorisë së parë dhe po të njëjtën gjë po bën edhe sivjet me Kastriotin e Krujës. Kjo skuadër konfirmohet si “superfuqia” e Grupit A të Kategorisë së Parë dhe pretendente kryesore për t’u ngjitur në elitën e futbollit shqiptar në edicionin e ardhshëm.