MOSHAT

Në pankinën e ekipit Vllaznia U-19 për sezonin e ri futbollistik do të jetë një emër i njohur. Bëhet fjalë për Luan Zmijanin. Ai do të prezantohet paraditen e nesërme nga drejtuesit e klubit dhe ato të Akademisë. Bashkë me të do të punojë tek ky ekip edhe trajneri tjetër Gjon Kola që do të kryejë rolin e ndihmësit të tij.

Akademia Vllaznia vazhdon të jetë në vëmendjen e shumë menaxherëve të ekipeve të huaja sepse elementet e dala prej saj, kanë rënë shpeshherë në sy për talentin e tyre. Pikërisht për këtë arsye, në ndeshjet e fundit të ekipeve U-17 dhe U-19 të Akademisë Vllaznia ndaj ekipeve respektive të Tiranës, në tribunën e fushës sportive “Reshit Rusi” kanë qenë të pranishëm tre italianë, nga të cilët njëri ishte menaxher I një kompanie të njohur ndërsa dy të tjerët, skautë të klubeve të ndryshme.