VOLEJBOLL

Ditën e sotme kanë nisur ndeshjet e turit çerekfinal të kampionatit kombëtar të volejbollit të meshkujve. Sipas kalendarit të përcaktuar, Vllaznia do ndeshej ndaj Skënderbeut. Ndeshja e parë është luajtur në Shkodër ngaqë ekipi i drejtuar nga trajneri Artan Kalaja është më mirë në renditje. Për rrjedhojë, ai ka kaluar pa probleme këtë ndeshje të parë ndaj korçarëve. Seti i parë i ndeshjes është fituar nga ana e tyre me rezultatin 25-21. Me të njëjtin rezultat është mbyllur edhe seti i dytë ndërkohë që në të tretin epërsia ka qenë më e madhe dhe është arritur rezultati 25-16.

Durrsakët mposhtën 3-2 Vllazninë ne ndeshjen gjysmefinale te Kupes se Shqiperise e luajtur pasditen e djeshme ne kryeqytet. Një sfidë mjaft e ekuilibruar dhe me rivalitet, emocionuese dhe me nivel të lartë, ku janë dashur pesë sete për të nxjerrë fituesin. Shkodranët i bëjnë një surprizë që në start Teutës, duke fituar setin e parë me shifrat 25- 22. Por, nënkampionët fillimisht përmbysën disavantazhin e setit të parë, duke fituar të dytin pa histori 25- 14. Vllaznia del sërish në epërsi me meritë 25-18.

Pasditja e sotme ka dhuruar dy ndeshje të kampionateve kombëtare të volejbollit në pallatin e sportit "Qazim Dervishi" të qytetit të Shkodrës. E para ka qenë ndeshja e femrave në mes Vllaznisë dhe Minatorit të Rrëshenit. Vajzat shkodrane kanë luajtur më mirë dhe kanë fituar me rezultatin e pastër 3-0. Ata kanë udhëhequr setet që nga fillimi teksa kanë fituar të parin me rezultatin 25-19, ndërsa në të dytin dhe të tretin epërsia ka qenë më e madhe dhe ato janë mbyllur në shifrat 25-13 dhe 25-14. Me fitoren e sotme Vllaznia duket se ka siguruar përfundimisht vendin e gjashtë në kampionat.

Vllaznia në volejboll për meshkuj e ka humbur edhe ndeshjen e rradhës për kampionat.Skuadra e trajnerit Artan Kalaja dje pasdite ka luajtur në Shkodër dhe kishte përballë ekipin e Teutës, një nga pretendentët për titullin kampion. Seti i parë është i barabartë dhe me luftë të fortë sportive e në fund do fitonin volejbollistët shkodranë me rezultatin 29 me 27. Ky set i parë krijoi përshtypjen se ata mund të kërkonin fitoren në këtë ndeshje por nuk do ndodhte kështu. Seti i dytë dhe i tretë fitohen lehtësisht nga Teuta në shifrat 25 me 13 dhe 25 me 15 duke kaluar durrsakët në avantazh.

Ekipi i volejbollit të femrave të Vllaznisë ka bërë një gabim jo të vogël në ndeshjen e luajtur pasditen e sotme ndaj Partizanit. Takimi i luajtur në "Qazim Dervishi" ka filluar mbarë për vajzat shkodrane të cilat kanë fituar setin e parë me rezultatin 25-23. Ky set i parë i fituar dha përshtypjen se ato do ta fitonin këtë ndeshje për më tepër që edhe në setin e dytë ata udhëhiqnin deri në 15-11. Pikërisht në ato momente, vajzat e trajneres Sadije Gogaj kanë gabuar në dy- tre momente duke kaluar edhe në nervozizëm dhe për rrjedhojë e kanë humbur këtë set me shifrat 21-25.

Fitore me përmbysje e Vllaznisë në volejboll për femra, që dje mundi 3-2 kampionet e Minatorit në Rreshën, në një ndeshje mjaft interesante dhe me emocione. Megjithëse mirditoret kishin një avantazh të dyfishtë me sete nuk arritën të mbyllnin takimin në favorin e tyre, duke pësuar një përmbysje fantastike nga skuadra shkodrane, që korr suksesin e dytë radhazi dhe tashmë mendon për play off-in.

Studenti kampion në volejboll për meshkuj fitoi mbrëmë 3-0 ndaj Vllaznisë në “Fahrie Hoti”, në ndeshjen e fundit të javës së tretë të Top Volej Ligës, një ndeshje që nisi rreth 60 minuta me vonesë. Por kjo nuk e pengoi skuadrën kryeqytetase të mposhte me lehtësi rivalët nga Shkodra, që megjithëse u përpoqën nuk arritën të përballojnë ritmin e diktuar nga Studenti. Në të 3 setet ishin volejbollistët e trajnerit Ylli Tomorri ata që patën epërsi në lojën e tyre, duke u shkëputur vazhdimisht dhe e merituan plotësisht fitoren.

Volejbollistet shkodrane të drejtuara nga trajneria Sadije Gogaj ka arritur një fitore shumë të bukur sot në ndeshjen e rradhës ndaj Studentit. Rezultati përfundimtar ka qenë 3-1 për Vllazninë. Takimi ka qenë i vlefshëm për javën e dytë të Volej Liga ku ajo merr pjesë sëbashku me Partizanin, Studentin e Minatorin. Në javën e parë, shkodranet u mundën nga Partizani ndërsa sot morën fitoren e parë në këtë tur të kampionatit. Ndaj Studentit, volejbollistet e Vllaznisë e nisën me fitore që në setin e parë që e përfunduan në shifrat 25-16.