VOLEJBOLL

Pas Skënderbeut në javën e parë, vajzat e Vllaznisë në volejboll mundin edhe Lushnjen. Ndeshja e vlefshme për javën e dytë të kampionatit, është luajtur pasditen e sotme në pallatin esportit "Qazim Dervishi". Kanë qenë miket nga Lushnja ata që duke shfrytëzuar përvojen e tyre më të madhe, kanë arritur të fitojnë setin e parë me rezultatin 25-16. Vendaset hyjnë disi me vonesë në lojë megjithatë në setin e dytë e përmirësojnë shumë atë dhe ky set do të ketë shumë rivalitet por në fund është Vllaznia që fiton 29-27 duke barazuar setet.

Sporti i volejbollit në Shkodër natyrisht që në vite na ka dhuruar jo pak emra të talentuarish. Sportistë e trajnerë. Ndoshta diku më shumë dhe diku më pak, janë përmendur jo të gjithë ata që kanë dhënë një kontribut të madh në këtë sport. Një i tillë është padyshim Irfan Boriçi. Gazeta "SHKODRA SPORT" vazhdon te luaje rolin e saj per evidentimin dhe risjellen ne vemendje serish te ketyre figurave te shquara si Irfani. Ai ka lindur në vitin 1954 në lagjen "Perash" dhe shpejt nis të merret me volejboll, madje edhe i vëllai. Por duhet të dini, se i vogël ai është marrë edhe me atletikë, në garën e 10-garëshit. Megjithatë, në vitet 1968-69 rregjistrohet tek ekipi i paratërinjve të volejbollit kur e merr trajneri Vehbi Sulejmani. Në sezonin 1969-70 luan një vit me ekipin e të rinjve dhe trajnerët e ekipit të parë, ka dëshirë ta përfshijë në rradhët e tij. Nis të luajë me ekipin e të rriturve të Vllaznisë, shumë i ri, vetëm 17 vjeç, në vitin 1971 kur krijohet një gjashtëshe shumë e mirë megjithatë rivaliteti në kampionat ishte shumë i fortë me Partizanin, Dinamon e 17 Nëntorin, pa lënë mënjanë edhe Skënderbeun e Flamurtarin. Që në vitin e tij të parë me vllazninë, ai do të shkonte për herë të parë jashtë Shqipërisë, pikërisht në Kosovë, në një turne që ekipi do të zhvillonte atje, pikëtisht në qytetet e Prishtinës, Gjakovës, Mitrovicës dhe Prizrenit.

Ndodh edhe kështu. Për shkak te angazhimit të policisë me ndeshjet e ekipeve kombëtare që po zhvillohen në Shkodër, ekipet sportive të këtij qyteti nuk duhet t'i luajnë ndeshjet e tyre të kampionateve. Kjo ngaqë policia nuk i merr përsipër ato ngaqë nuk ka mundësitë për ta bërë këtë gjë. Për këtë arsye, ndeshjet e nesërme të kampionateve të volejbollit, ajo Vllaznia- Lushnja për femra dhe Vllaznia- Studenti për meshkuj, nuk do të zhvillohen. Klubi shkodran ka lajmëruar Federatën për këtë problem duke ofruar edhe mundësinë e sigurimit të rendit në pallatin e sportit "Qazim Dervishi" me Policinë Bashkiake por Federata nuk ka pranuar duke vendosur shtyrjen e këtyre ndeshjeve për javën e ardhshme, me shpresën se ky problemi me policinë do zgjidhet.

Vllaznia në volejboll për femra e ka nisur me fitore kampionatin e ri. Në ndeshjen e parë të tij, atë të luajtur në Korçë sot, vajzat e drejtuara nga trajnerja Sadije Goga, kanë fituar me rezultatin 3-2. Takimi në fakt ka nisur më mirë për vendaset që kanë fituar setin e parë 26-24 por në të dytën shifrat barazohen, madje është Vllaznia që fiton pastër 25-18. Ajo do të fitonte edhe të tretin, madje më thellë, 25-15 duke krijuar përshtypjen se do ta mbyllte shpejt ndeshjen por nuk do ndodhte kështu. Skënderbeu luan më mirë në të katërtin, e fiton atë 25-19 duke barazuar numrin e seteve në 2-2 dhe duke shkuar në këtë mënyrë në set final.

Të shtunën do të nisë kampionati kombëtar i volejbollit për meshkuj. Por pavarësisht kësaj, ekipi i Vllaznisë nuk do të luajë këtë ditë. Arsyeja është se kundërshtari me të cilin do të ndeshej, ekipi i Gramshit, është tërhequr nga kampionati. në këtë mënyrë rikonfimohet edhe njëherë kontestimi që shefi i klubi shkodran, tashmë edhe trajner i këtij ekipi, Mark Kroqi, që përpara hedhjes së shortit, ishte kundër shtimit të ekipeve që nuk kishin garanci për pjesmarrjen në garë. megjithatë, drejtuesit e Federatës nuk e morën parasysh një gjë të tillë me idenë e shtimit të numrit të ekipeve por dështuan. Tërheqja e ekipit të Gramshit, është konfirmimi më i mirë për këtë. Ndërkohë, pavarësisht se nuk do të luajë të shtunën, Vllaznia sigurisht që do të hyjë në kampionat me pretendimet e saj për të qenë në mes ekipeve që do të konkurrojnë për titullin kampion.

Volejbollistët e Vllaznisë nuk kanë mundur dot të sigurojnë daljen në finalen e Kupës së Federatës. Kjo ngaqë ata janë eliminuar në ndeshjen gjysmëfinale, atë që sapo përfundoi ndaj Tiranës me rezultatin 2-3. Ka qenë një takim me shumë emocione dhe për rrjedhojë, ai ka shkuar në set final, aty ku bardheblutë janë treguar më të saktë dhe kanë arritur ta fitojnë atë dhe krejt takimin duke qenë ata në finalen e nesërme. Volejbollistët shkodranë në fakt kishin si objektiv fitoren e këtij trofeu por kjo nuk u bë realitet. Në ndeshjen tjetër gjysmëfinale, Farka Volej ka arritur të shkaktojë suprizën duke mundur Studentin kampion në fuqi me rezultatin 3-1 dhe është ajo tashmë në finale përballë Tiranës për të diskutuar fitoren e këtij trofeu.

Kampionatet e reja të volejbollit do të startojnë më 1 tetor megjithatë përpara fillimit të tyre do të zhvillohet një tjetër aktivitet, Kupa e Federatës Shqiptare të Volejbollit. Kjo kupë zhvillohet me pjesmarrjen e katër ekipeve më të mira të sezonit të fundit të cilët luftojnë për fitimin e këtij trofeu. Vllaznia e meshkujve kësisoj do të jetë në garë me tre ekipet e tjera dhe pikërisht me Studentin, Tiranën dhe Farkën. Sipas shortit të hedhur, në gjysmëfinale, ekipi shkodran do të ndeshet me Tiranën.Takimi do të luhet pasditen e së shtunës në kryeqytet dhe sigurisht që objektivi i tij është kalimi i këtij kundërshtari por jo vetëm i tij. Vllaznia që tashmë drejtohet nga trajneri i ri Mark Kroqi, ka si objektiv të parë të këtij sezoni fitoren e këtij trofeu.

Një nga lojtarët e rinj më me perspektivë i volejbollit shkodran por edhe atij shqiptar, pikërisht Anton Qafarena, duket se është shumë pranë largimit nga kampionati shqiptar. 18 vjeçari ka spikatur në dy sezonet e fundit duke luajtur me Vllazninë dhe ishte kërkuar nga disa ekipe si të kampionatit tonë por edhe jashtë. Oferta e fundit mësohet të ketë ardhur për të nga një ekip i kategorisë së parë të Qipros. Lajmi konfirmohet nga burime pranë këtij lojtari. Ende s’ka asgjë zyrtare por skuadra qipriote mësohet se është interesuar për Qafarenën dhe se mund të bëhet e mundur lëvizja e tij nga Vllaznia në kampionatin e Qipros.

Ditën e djeshme është hedhur shorti i kampionateve të reja të volejbollit për sezonin e ri. Shorti është hedhur si për kampionatin e femrave ashtu edhe të meshkujve. Këta të fundit, që në sezonin e ri do të drejtohen nga trajneri Mark Kroqi, në ndeshjen e parë do të luajë në transfertë me ekipin e Gramshit, ndërsa ekipi i femrave që drejtohet sërish nga trajnerja Sadije Gogaj, do ta luajë ndeshjen e parë në Korçë ndaj Skënderbeut vendas. Kampionatet do të nisin më datë 1 tetor dhe tek meshkujt këtë vit do të konkurrojnë 10 ekipe ndërsa femrat janë ndarë në dy grupe teksa në grupin A ku bën pjesë edhe Vllaznia, janë 8 ekipe ndërsa në grupin B bëjnë pjesë 6 ekipe.