Prej vitesh punon plot deshire e pasion dhe ne fakt, emri i tij nuk eshte permendur aq sa duhet. Ndoshta ketu eshte edhe faji i ne mediave, por “faj” ka edhe ai vete sepse nuk ka deshire te dale ne skene dhe t’i beje reklame punes se tij.
E kemi fjalen per trajnerin e atletikes se Vllaznise Dorjan Tafa. Punon prej vitesh duke patur jo pak suksese sebashku me te ndjerin Vildan Tufi, me Albert Marashin e Brunon Rrotanin dhe ka dhene nje kontribut te jashtezakonshem ne titujt e shume kampione qe ekipi shkodran ka fituar.
Ka stervitur shume sportiste te dalluar e kampione ku vetem tek keta te fundit do te permendim kampionin Muhamet Çangeli nderkohe qe prej pak me shume se nje viti stervit edhe atletin e talentuar Heldi Valikaj.
Fale punes se bere me te, ky sportist ne shtator te ketij viti u shpall kampion Ballkani per 20 vjeçaret ne garat e zhvilluara ne Turqi.
Dhe profesor Dori ka meriten e tij te padiskutueshme edhe tek ky sukses, ashtu si dhe tek shume te tjere. E ben me shume pasion punen e trajnerit dhe bashke me koleget e tij premton qe sukseset e atletikes shkodrane do te vijojne edhe ne vitet e ardhshme./SHKODRA-SPORT.COM/
