Roma po kalon një krizë të vërtetë rezultatesh ku e sotmja zor se do të përtypet nga tifozët kryeqytetas.
Verdhkuqtë janë mposhtur 3-2 nga Venecia duke pësuar disfatën e dytë radhazi në kampionat, pas asaj të një javë më parë ndaj Milanit. Vendasit e nisën vrullshëm ndeshjen duke kaluar në avantazh me anë të Kaldaras vetëm apas 3 minutash lojë.
Por skuadra e Murinjos përmbysi gjithçka në fundin e pjesës së parë duke shënuar me dy herë më sulmuesit Shomurodov dhe Tami Abraham. Por pjesa e dytë ishte katastrofike për verdhekuqtë. Aramu barazon nga pika e 11-metërshit në minutën e 65-të, ndërsa 1 minuta më vonë Murinjo zëvendëson Kumbullën që e kishte nisur si titullar, duke aktivizuar sulmuesin Karlos Perez.
Por eksperimenti i Murinjos nuk funksionon dhe hapësirat që la largimi i Kumbullës i shfrytëzon Okereke që realizoi golin e fitores për Venecian. Stadiumi shpërtheu në festë, pasi skuadra modeste e Venecias sapo kishte përmbysur Romën e Zhoze Murinjos duke marrë 3 pikë të arta.
Në sfidat e tjera, Bolonja mposhti 1-2 në shtëpi Sampdorian, ndërsa Udineze mposhti 3-2 Sausolon.
REZULTATET
Venecia-Roma 3-2
Sampdoria-Bolonja 1-2
Udineze-Sasuolo 3-2
