E ardhmja e Mohamed Salah te Liverpuli është në dyshim. Egjiptiani nuk ka pranuar ofertat për rinovim që i ka bërë klubi anglez dhe tashmë duket i hapur për të marrë oferta edhe nga klube të tjera. Barcelona mësohet se është në majën e listës së destiancioneve të lojtarit, por në mes ka një pengesë jo të vogël.
E përditshmja spanjolle “AS” bën të ditur se një ofertë prej 60-70 milionë eurosh për lojtarin, do të binte klubin anglez që ta linte të largohej gjatë verës. Një shifër që nuk mund të konsiderohet aq e lartë, por që në fakt është e tillë për Barcelonën.
La Liga ka publikuar tavanin e rrogave që u lejohet klubeve të paguajnë në këtë sezon dhe në atë pasardhës dhe rezulton se për të regjistruar çfarëdo lojtari, Barcelona duhet më parë të ulë rrogat e saj me 144 milionë euro.
Përtej uljes së kësaj shifre stratosferike, katalanasit duhet të gjenerojnë të ardhura sa katërfishi i shifrës që duhet të shpenzojnë, përndryshe do të jenë të detyruar të vazhdojnë të luajnë me lojtarët që janë aktualisht në përbërje, si pasojë e borxheve të theksuara që kanë.
Kështu, gjithçka mbetet në vendnumëro sa i përket Salah dhe duhet pritur vera për të mësuar manovrat e katalanasve të cilët mund të vendosin të shesin disa yje për të siguruar të ardhurat e nevojshme.
