Marash Kumbulla, mbrojtësi i Kombëtares dhe Veronës, ka qenë titullar ndeshjen e sotme, ndaj Milanit
Skuadra e Veronës edhe pse humbi 0-1, i ka krijuar shumë vështirësi Milanit, që e ka marrë fitoren me penalltinë e Piontekut.
Shkodrani Kumbulla ne këtë ndeshje ka bërë një paraqitje të shkëlqyer dhe sipas “Tuttomercato.web”, ai ka qenë më i miri për skuadrën e vet. Ai është vlerësuar me notën 7 në këtë sfidë delikate, kur përballë kishte Piontek.
“Anulon Piontekun dhe nuk e lë polakun të bëjë më të mirën. Për një lojtar të lindur në vitin 2000, sigurisht nuk është gjë e pakët”, shkruan kjo media për shqiptarin.
Ndërkaq me notën 6.5 është vlerësuar Amir Rrahmani, që edhe ai ka bërë një paraqitje pozitive.
