Ekipi i 19 vjeçareve te Murlanit ka arritur nje tjeter fitore ne kampionat dhe siguron daljen ne fazen play-off te kampionatit per te luftuar me pas per ngjitjen ne Kategorine Superiore te kesaj grupmoshe.
Ne ndeshjen e sotme ndaj ekipit te Korabit luajtur ne Peshkopi, djemte e drejtuar nga trajneri Vahedin Pepaj kane fituar me rezultatin 2-1. Ka qene futbollisti Xhovan Kodra ai qe ka zhbllokuar rezultatin ne minuten e 25-te dhe me kete gol do te mbyllej pjesa e pare.
Ne te dyten shifrat do te dyfishoheshin nga goli i Festim Lanit por ne shtese nderkohe vendasit kane ngushtuar me ane te Islamit, nje gol qe ka vlejtur thjesht per statistike.
Murlani ne kete menyre ka fituar me rezultatin 2-1 dhe me kete fitore eshte ngjitur ne kuoten e 45 pikeve duke u ngjitur ne vendin e dyte te renditjes dhe ne kete menyre sebashku me Kukesin e vendit te pare, fiton te drejten per te kaluar ne fazen play-off.
Ne kete te fundit do te marrin pjese 6 ekipet me te mira (2 te parat e 3 grupeve), per te nxjerre edhe dy skuadrat qe do te ngjiten ne kategorine Superiore. Ekipi i Murlanit do te tentoje deri ne fund per arritjen e ketij objektivi sepse eshte ndertuar per te qene i suksesshem./SHKODRA-SPORT.COM/
