Ka nisur pasditen e sotme në Shkodër edicioni i 14-të i Memorialit Ndërkombëtar të boksit “Vllaznia 2017”. Aktivitet ky që organizohet çdo vit nga Bashkia Shkodër dhe Sportklub Vllaznia në nderim të ish- boksierëve shkodranë që nuk jetojnë më. Sivjet marrin pjesë sportistë të 6 ekipeve dhe pikërisht të Shqipërisë, Bullgarisë, Kroacisë, Maqedonisë, Malit të Zi dhe Kosovës. Një pjesmarrje jo shumë e madhe që ka detyruar organizatorët të reduktojnë numrin e ditëve të zhvillimit të këtij Memoriali nga tre që ishte planifikuar, në dy.
Kësisoj, sot janë zhvilluar ndeshjet gjysmëfinale ndërsa nesër pasdite në orën 18.00 do të zhvillohen finalet. Kombëtarja shqiptare do të përfaqësohet në to me tre sportistë, Krenar Zenelin, Arjon Kajoshin dhe Indrit Laçin dhe kuptohet që objektivi do të jetë fitimi i të paktën dy vendeve të para.
Ja rezultatet e ndeshjeve të luajtura sot në pallatin e sportit “Qazim Dervishi” të Shkodrës:
Gjysmëfinalet:
52 kg T.Banabakov (Bullgari)- V. Guri (Shqipëri) 3-0
60 kg M.Kovaçeviç (Kroaci)- E. Dimitrov (Bullgari) 0-3
69 kg A.Ismetov (Bullgari)- P.Marçiç (Mali i Zi) 3-0
75 kg L. Mesiç (Kroacia)- A. Kajoshi (Shqipëri) fiton Kajoshi me KO
75 kg A.Neziraj (Kosovë)- S.Chamov (Bullgari) 0-3
81 kg N.Blagov (Bullgari)- I.Laçi (Shqipëri) 1-2
81 kg F.Muharremi (Kosovë)- M.Pratjaçiç (Kroaci) fiton Muhamerremi me TKO
© shkodrasport.com
