Te dielen ne ora 18.00 ne stadiumin e Petrovacit do te luhet ndeshja shume e rendesishme e vlefshme per grupin 10 te “UEFA Women Champions League” ne mes Vllaznise se Shkodres dhe fitueses se çiftit Breznica- Spartak Myjava.
Keto dy ekipet e fundit do te ndeshen me njeri- tjetrin pasditen e neserme per te kerkuar fitoren dhe per te qene ne finalen e ketij grupi pas tre ditesh. Sfida ndaj kampioneve ne fuqi te Shqiperise konsiderohet e rendesishme per ta, per me teper qe te pranishem ne stadium pritet te jene edhe nje numer i konsiderueshem tifozesh nga Shkodra.
Por perpos familjareve dhe njerezve te tjere te lidhur me ekipin, mendohet qe te pranishem do jene edhe nje numer i konsiderueshem tifozesh kuqeblu. Per kete arsye, presidenti Lazer Matija ka bere te ditur se do te vere ne dispozicion te tyre nje autobuz per udhetimin drejt Malit te Zi.
Tifozet e Vllaznise pritet te krijojne nje atmosfere te kendshme ne stadium, ne mbeshtetje te vajzave kampione duke shpresuar deri ne fund per fitoren e tyre dhe kualifikimin ne mes 32 skuadrave me te mira te Europes.
Kjo eshte hera e pare qe shorti i “Champions League” ka qene kaq me fat per Vllaznine duke bere qe ajo ta luaje ndeshjen e saj vetem disa kilometra larg Shkodres nderkohe qe ne vitet e tjera ka provuar te luaje edhe ne Finlande, Lituani, Poloni apo dhe ne Qipro./SHKODRA-SPORT.COM/
