Fitorja në Ballsh natyrisht që ka rritur entuziasmin në kampin shkodran për më tepër që tashmë rezultatet e Vllaznisë flasin në favorin e saj. Të qënurit në një pozitë disi komode në renditje, pozicionuar aktualisht në vendin e shtatë, shkodranët kanë fituar njëfarë besimi për ecurinë e mëtejshme në fazën e katërt të kampionatit. Vllaznia nën drejtimin e Armando Cungut kuptohet që ka bërë shumë gjëra mirë por pikët e marra nuk janë shumë. Madje, një më pak sesa skuadra mori kur në pankinë trajner ishte Armir Grima, ndonëse krahasimi nuk vlen shumë ngaqë numri i ndeshjeve nuk është i barabartë.
Megjithatë, në javët në vijim, trajneri aktual mund t’i kthejë shifrat në anën e tij. Por ajo që duhet përmendur është se nuk mund të krahasohet as periudha e punës. Në kohën kur drejtonte Grima, ekipi ishte pa rroga, pa mbështetje dhe thuajse e braktisur nga të gjithë, madje edhe me polemika brenda- përbrenda drejtuesve. Madje, kishte ndeshje që futbollistët udhëtonin brenda ditës jashtë Shkodrës për zhvillimin e ndeshjes së rradhës. Ndërkohë me ardhjen e Cungut gjërat kanë ndryshuar. Skuadra ka marrë rrogat, madje ka edhe shpërblime për rezultatet pozitive, ka një mbështetje të gjithëanshme nga ana e drejtuesve të klubit, aq sa vetë kryebashkiakja Ademi është shpeshherë e pranishme në stërvitje apo dhe ndeshje. Mbase, numri i pikëve gjatë kësaj periudhe mund të kishte qenë edhe pak më i madh por shpresat janë që ecuria të vijë duke u përmirësuar deri në fund të kampionatit.
Vllaznia e Grimës:
- Vllaznia- Kukësi 1-1
- Tërbuni- Vllaznia 0-3
- Vllaznia- Tirana 1-1
- Bylis- Vllazni 3-1
- Skënderbeu- Vllaznia 3-1
- Vllaznia- Teuta 0-1
- Partizani- Vllaznia 1-0
- Vllaznia- Flamurtari 4-0
- Laçi- Vllaznia 2-0
- Kukësi- Vllaznia 1-0
- Vllaznia- Tërbuni 2-0
- Tirana- Vllaznia 0-0
- Vllaznia- Bylis 3-2
Totali:13 ndeshje, 4 fitore, 3 barazime, 6 humbje.Golaverazhi:16- 15.Pikë të grumbulluara- 15.
Vllaznia e Cungut:
- Vllaznia- Skënderbeu 1-0
- Teuta- Vllaznia 1-0
- Vllaznia- Partizani 1-1
- Flamurtari- Vllaznia 2-0
- Vllaznia- Laçi 0-0
- Vllaznia- Kukësi 1-2
- Tërbuni- Vllaznia 0-4
- Vllaznia- Tirana 3-1
- Bylis- Vllaznia 0-1
Totali: 9 ndeshje, 4 fitore, 2 barazime, 3 humbje. Golaverazhi: 11-7. Pikë të grumbulluara- 14
Vllaznia e Zmijanit:
- Vllaznia- Skënderbeu 0-1
- Teuta- Vllaznia 2-0
- Vllaznia- Partizani 1-2
- Flamurtari- Vllaznia 2-0
- Vllaznia- Laçi 0-1
Totali: 5 ndeshje, 0 fitore, 0 barazime, 5 humbje, golaverazhi 1-8. Asnjë pikë e grumbulluar