Vllaznia futsall nuk ia ka dale dot te kualifikohet per ne finalen e Kupes se Shqiperise. Ne ndeshjen gjysmefinale ajo eshte mundur me rezultatin 8-11 nga Tirana futsall.

Takimi eshte luajtur mbremjen e djeshme ne pallatin e sportit “Goga” ne Durres dhe eshte shoqeruar me nje rivalitet te madh. Pjesa e pare eshte mbyllur ne shifrat 3-5 per bardheblute.

Ne te dyten, shkodranët u perpoqen per te permbysur shifrat dhe ne momente te caktuara kane qene shume prane, por megjithate nuk ia kane arritur dot duke qene te detyruar te pranojne humbjen.

Tirana ne kete menyre me fitoren 11-8 ka siguruar finalen e ketij kompeticioni, nderkohe qe Vllaznia e mbyll ketu rrugetimin teksa u mjaftuar me fitoren 6-4 ndaj Flamurtarit ne çerekfinale.

Pas largimit nga Kupa, Vllaznia futsall e drejtuar nga trajneri Bujar Celufaj do te perqendrohet totalisht tek kampionati ku ndodhet per momentin ne vendin e pare te renditjes, me pike te barabarta me Flamurtarin dhe interesant eshte fakti se ndeshjen e pare per kete vit, do ta kete serish ndaj Tiranes, por kete here ne Shkoder.
Gjergj KOLA