www.shkodrasport.com
Vllaznia mund ekipin e Pejës në miqësoren e luajtur në Ulqin
Vllaznia përveç ndeshjes së sotme ndaj Skënderbeut, të vlefshme për kampionatin kombëtar të basketbollit për meshkuj, ka zhvilluar mbrëmë edhe një ndeshje miqësore në Ulqin. Në fakt duket disi e pakuptimtë zhvillimi i dy ndeshjeve brenda pak orëve por stafi drejtues shkodran duke e konsideruar disi të lehtë takimin e sotëm, nuk mund t’i thoshte “jo” zhvillimit të një miqësoreje ndaj eipit të Pejës. Ky i fundit udhëheq kampionatin kosovar dhe që ka në përbërje të tij edhe basketbollistë amerikanë të shumëpaguar. Diferencat mes dy ekipeve deri kohët e fundit kanë qenë shumë të mëdha për shkak të elementit më cilësor që kishin kosovarët por nga ana tjetër edhe Vllaznia nuk ka mbetur pas kohët e fundit me katër blerjet e bëra. Për rrjedhojë Vllaznia ka fituar 79- 78 duke qenë kësisoj e para fitore e ekipeve shqiptare ndaj atyre të Kosovës gjithë këto vitet e fundit. Ajo ka qenë thjesht një ndeshje miqësore megjithatë i ka vlejtur shumë trajnerit Gjeçaj për të parë ekipin e tij në një përballje të tillë ndaj një kundërshtari shumë të fortë.