Vllaznia ndonese ka vetem pak dite stervitje dhe ende nuk eshte kompletuar me lojtaret e duhur, do te zhvilloje te paren ndeshje miqesore ne kuadrin e pergatitjeve per sezonin e ri futbollistik.
Ajo do te luhet te enjten ne oren 17.00 ne stadiumin “Ismail Xhemali” te Pukes dhe perballe saj do te jete ekipi i Teutes se Durresit, ekip qe siç dihet eshte duke e zhvilluar fazen pergatitore para ndeshjeve europiane pikerisht ne kete qytet.
Konfirmimi per kete ndeshje vjen per “Shkodra Sport” nga trajneri shkodran i ekipit te Teutes, Edi Martini. Ne nje prononcim per gazeten tone, ai do te shprehej:
“Po shkojme drejt pergatitjeve te fundit per ndeshjen e dates 27 gusht ndaj Betar Jeruzalem dhe per te pare gjendjen reale te ekipit, do te zhvillojme nje ndeshje miqesore diten e enjte ne Puke ndaj ekipit te Vllaznise, te cilin dua ta falenderoj qe u shpreh i gatshem per ta luajtur kete ndeshje”.
I pyetur nderkohe per sfiden e Europa League ndaj kundershtarit izraelit, Martini do te shtonte: “Ne po mundohemi te bejme me te miren. Kuptohet qe nuk ka qene shorti me i mire i mundshem per ne dhe perpos kesaj, vertete ndeshja do te luhet ne Durres, por nuk do kemi mbeshtetjen e tifozeve.
Megjithate do te mundohemi te bejme me te miren dhe te synojme fitoren dhe kualifikimin pr ne turin e dyte te ketij kompeticioni. Me ekipin jane bashkuar disa lojtare te rinj dhe shpresoj qe ata te ingranohen shpejt ne menyre qe te marrim maksimumin prej tyre”.
www.shkodrasport.com
