FUTBOLL - KATEGORIA E PARE

Ada ka mbetur për momentin pa trajner. Dy prej alternativave kryesore që kanë qenë në tavolinën e presidentit Alfred Pjetri, ajo e Samuel Nikaj dhe e Kreshnik Krepit, kanë rënë përfundimisht poshtë. Nikaj është ende në pritje të një përgjigje përfundimtare nga drejtuesit e rinj të Vllaznia që I kanë propozuar atij pozicionin e ndihmësit të trajnerit Raineri për studimin e ekipeve kundërshtare dhe të trajnerit të ekipit B. situata e rrëmujshme që ka ekzistuar kohët e fundit tek ky klub, ka bërë që ai të mos marrë ende një përgjigje megjithatë gjasat që ai të marrë drejtimin e Adës janë thuajse zero.

Veleçiku i Koplikut që nga sonte është pa trajner. Ai që ka qenë në këtë detyrë, pikërisht Kreshnik Krepi, ka dhënë dorëheqjen nga ky post. Lajmin e ka konfirmuar eskluzivisht për gazetën www.shkodrasport.com vetë Krepi kur ka thënë: "Që nga sonte unë nuk do jem më trajner i Veleçikut. Zgjodha këtë moment kur skuadra e kaloi periudhën e vështirë dhe thuajse nuk është më në zonën e rrezikuar për rënien nga kategoria. Nuk kisha dëshirë ta lija në një situatë tjetër dhe meqë gjërat tashmë janë normalizuar, vendosa të largohem". I pyetur më tej se cila ka qenë arsyeja e dhënies së kësaj dorëheqje, Krepi ka deklaruar:

Politika po përzihet çdo ditë e më shumë tek sporti. Shembullim më I mirë është ajo çfarë po ndodh aktualisht tek Ada. Presidenti I këtij klubi Alfred Pjetri , në një intervistë për shkodrasport.com ditën e sotme ka thënë se kryetari I komunës Velipojë Pashko Ujka, I ka kërkuar shkrirjen e ekipit vetëm e vetëm ngaqë ai edhe disa pjestarë të tjerë të tij, kanë punuar kundër në fushatë elektorale." Situata tek Ada nuk është aspak e mirë. Po kalojmë momente të vështira dhe e gjithë kjo ka ardhur pas problemeve që kemi patur me Komunën.

Tre pikë shprese për velipojakët të cilët sot pasdite kanë mundur në fushën e tyre Albpetrolin me rezultatin 1-0. Ada kësisoj është rikthyer tek rruga e fitores. Të dy ekipet në zonën e ftohtë të renditjes kanë luftuar për të marrë një fitore në ndeshjen që është luajtur në Velipojë në stadiumin “Adriatik”. Në fakt miqtë e kanë nisur më mirë lojën teksa kanë tentuar që në minutë e 5-të të gjejnë rrugën e rrjetës por ka qenë portieri Hallunaj ai që ka mbajtur të paprekur rrjetën e Adës. Në 20 minutat e parë skuadra nga Patosi ka dominuar sfidën.

Prej dita javësh ndodhet në krye të Veleçikut megjithatë Kreshnik Krepi ende nuk ka arritur t’i japë atë çfarë i duhet këtij ekipi, pikërisht qetësinë në renditje. Skuadra koplikase vazhdon të ndodhet në vendet e fundit të tabelës së renditjes dhe nga mënyra si po shkojnë gjërat, ajo rrezikon seriozisht rënien nga kategoria. I pyetur se çfarë po ndodh me këtë skuadër, trajneri Krepi për mungesën e pikëve ka fajësuar gjyqtarët për ndëshkimin sistematik që i kanë bërë Veleçikut por edhe mosmbështetjen e duhur nga ana e drejtuesve të klubit.

Trajneri i Adës Kujtim Shaba është pezulluar dy javë nga drejtimi i kësaj skuadre. Vendimi është marrë në mbledhjen e rradhës të komisionit të Disiplinës pranë FSHF-së. Në këtë vendim thuhet: "Trajner i KF ADA Velipojë Kujtim Shaba për ofendim të zyrtarëve të ndeshjes, dënohet me dy ndeshje pezullim nga aktiviteti, bazuar në nenin 56.1 të KDS". Gjithçka pa patur lidhje me ndeshjen e fundit Dinamo- Ada. Shaba gjatë pjesës së dytë të ndeshjes ka qenë disi i revoltuar me gjyqtarin dhe për rrjedhojë ka reaguar ashpër ndaj tyre. Kjo ka bërë që atë ta largojnë nga pankina dhe përpos kësaj, gjyqtarët kanë raportuar duke e kaluar atë edhe në Disiplinë, e cila sot ka vendosur për pezullimin e tij.

Pas dorëheqjes së Besnik Dulit menjëherë kanë nisur kërkimet për zëvendësuesin e tij. Në skenë kanë dalë dy kandidatura si më të mundshmet për postin e trajnerit të ardhshëm të Veleçikut. Njëri është Kreshnik Krepi ndërsa tjetri është Safet Osja. Ky i fundit sigurisht që është një emër i madh në futbollin e luajtur si pjestar i Vllaznisë dhe i Elbasanit po ndërkohë ka patur edhe një karrierë të shkurtër si trajner. Fillimisht si trajner i ekipit të minifutbollit të Vllaznisë e më pas për 5 muaj si zëvendëstajner me ekipin e parë bashkë me Artan Bushatin dhe Vioresin Sinanin.

Besnik Duli nuk do të jetë më trajner i ekipit të Veleçikut të Koplikut. Ai ka dhënë dorëheqjen nga ky post pasditen e së hënës. Sipas vetë atij, arsyeja pse ka marrë këtë vendim ka qenë mungesa e anës financiare e cila po ndikon dukshëm në ecurinë e skuadrës. Fakti që Bashkia Koplik është tërhequr nga financimi i Veleçikut, ka ndikuar jo pak. Po ashtu, luajtja e ndeshjeve në Pukë për shkak të mungesës së një fushe të përshtatshme i ka komplikuar edhe më shumë gjërat. Ndonëse kampionati nisi mirë për koplikasit me dy fitore në dy ndeshjet e para me Dinamon dhe Albeprolin, kanë mjaftuar dy humbje në ndeshjet e fundit, ato me Himarën dhe Mamurrasin, që gjërat të marrin për keq tek Veleçiku.

Skuadra e Adës që nga dita e djeshme ka një trajner të ri. Ai është Kujtim Shaba, ish-administratori I klubit të futbollit Vllaznia. Drejtuesit e klubit velipojak në fakt, nisur edhe nga problematika që I shoqëroi këtë fillim- kampionati, nuk menduan shumë për trajnerin duke ia besuar drejtimin e skuadrës Etrit Nikës, zëvendëstrajnerit të sezonit të kaluar. Por fakti që në dy javët e para të kampionatit, Ada ka humbur, e ka vështirësuar pozitën e kësaj skuadre dhe për rrjedhojë duhej patjetër gjetja e një trajneri. Presidenti Alfred Pjetri pas studimit të disa kandidaturave, ka vendosur në fund për emrin e Kujtim Shabës. Lajmin e ka bërë të ditur për gazetën tonë vetë ai kur ka thënë:

Vetëm 6 ditë nga nisja e kampionatit të kategorisë së parë dhe situta tek ekipi i Adës nuk duket aspak normale. Ende nuk dihet se cili do të jetë trajneri që do ta drejtojë atë në ndeshjen e parë ndaj Pogradecit dhe me cilët futbollistë do të paraqitet në fushë. Problemet financiare dhe organizative që po kalon kjo skuadër, kanë krijuar një rrëmujë të vërtetë. Tërheqja e Komunës Velipojë nga financimi i skuadrës ka lënë pasojat e veta megjithatë ndërhyrja e deputetit Tomë Doshi pritet të ndryshojë disa gjëra në aspektin pozitiv. Presidenti Alfred Pjetri po bën maksimumin në këtë periudhë në prag të nisjes së kampionatit, por i vetëm duket se e ka të vështirë. Në stërvitjen e këtyre ditëve të këtij ekipi kanë qenë të pranishëm edhe futbollistë të njohur si Kaçi, Hoti, Pepa etj por ende nuk dihet nëse këta futbollistë do të jenë pjesë e Adës në sezonin e ri.