Korabi e mbyll me humbje. I fundit me zero pikë

Skënderbeu ka triumfuar sot në Peshkopi ndaj Korabit vendas me rezultatin 3-0, megjithëse seti i parë pat pak rivalitet por u fitua nga mikeshat në shifrat 19-25. Ndërsa dy setet e tjera folën tërësisht për korçaret të cilat fituan 25-1 dhe 25-15 dhe krejt takimi përfundoi 3-0 për Skënderbeun. Por më shumë sesa për rezultatin e ndeshjes, volejbollistet dhe stafi vendas i ekipit të Korabit e kanë patur mendjen tek shefi i klubit dibran Bashkim Lala që mbrëmë është dërguar me helikopter për në Tiranë dhe ndodhet në gjendje kritike për jetën.

Studenti- Vllaznia më 28 mars gjysmëfinalja e parë

Janë shtyrë ndeshjet gjysmëfinale të play off-itë të kampionatit kombëtar të volejbollit për meshkuj. Duhej të nisnin më 24 marrs, por drejtuesit e Federatës kanë vendosur të zhvillojnë në Tiranë një turne në nder të 100 vjetorit të Pavarësisë. Në këtë turne do të marrin tre skuadrat më të mira aktualisht të vendit tonë, pikërisht Teuta, Studenti dhe Tirana si dhe Shkëndija e Tetovës. Ky turne do të zhvillohet në datat 24-25 mars. Pikërisht për shkak të tij, janë shtyrë pra ndeshjet gjysmëfinale të play off-it. Në këtë mënyrë, ndeshja e parë, ajo në mes Studentit dhe Vllaznisë do të luhet në Tiranë më 28 maj. Çifti tjetër i gjysmëfinaleve është Teuta- Tirana. Sigurisht që Studenti dhe Teuta janë favorite për finalen por kjo nuk do të thotë se dy ekipet e tjera do jenë pasive.

Vllaznia kalon Skënderbeun. Tashmë në gjysmëfinale

Ekipi i Vllaznisë në volejboll për meshkuj nuk ka hasur në ndonjë rezistencë të madhe në ndeshjen e dytë të turit çerekfinal të play-off-it të kampionatit kombëtar. Pasi e kishin mundur tre ditë më parë në Shkodër me rezultatin 3-1 Skënderbeun, në ndeshjen e dytë, të luajtur dje në Korçë shkodranët kanë fituar pastër në shifrat 3-0. Ndeshja nuk ka patur shumë histori teksa djemtë e trajnerit Kalaja kanë bërë detyrën duke fituar dhe duke kaluar në turin tjetër. Me rezultatin 2-0 pas dy ndeshjeve të para, ka qenë e panevojshme zhvillimi i ndeshjes së tretë në Shkodër.

Vllaznia mund Skënderbeun 3-1 në çerekfinalen e parë

Turi çerekfinal I plej-ofit në volejboll për meshkuj, ka nisur me fitore për Vllazninë. Ajo ka mundur në ndeshjen e parë ekipin e Skënderbeut të Korçës. Ndeshja e parë mes këtyre dy ekipeve është luajtur paraditen e sotme në pallatin e sportit “Qazim Dervishi” dhe është fituar nga vendasit 3-1. Në fakt, ndeshja ka nisur më mirë për miqtë të cilët fituan setin e parë në shifrat 25-16 dhe kjo gjë e shkundi trajnerin Kalaja dhe volejbollistët e tij. Si rrjedhojë, kanë arritur të barazojnë shifrat e seteve në 1-1 menjëherë më pas duke fituar 25-19. Vetëm kaq do ishte rezistenca e korçarëve sepse në setin e tretë ata do munden thellë 12-25 dhe po ashtu edhe në të katërtin 15-25. Me këtë fitore Vllaznia është shumë pranë kalimit në turin gjysmëfinal megjithatë do jetë ndeshja e dytë ajo që do ta vendosë këtë gjë.

Vllaznia mund pastër 3-0 Skënderbeun

Ndeshja e fundit e fazës së grupit në volejboll për meshkuj, ajo mes Vllaznisë dhe Skënderbeut, është luajtur pasditen e djeshme në pallatin e sportit "Qazim Dervishi" të Shkodrës. Shkodranët e kanë dominuar ndeshjen nga fillimi dhe deri në fund duke mos e vënë asnjëherë në dyshim fitoren. Seti i parë është mbyllur 25-14 në favorin  e tyre, ndërsa që epërsia ka ardhur duke u thelluar në dy setet e tjera kur Vllaznia ka fituar 25-13 dhe 25-12. Me këtë fitore, përfundimisht Vllaznia ka siguruar vendin e katërt pas fazës së katërt, duke qenë një nga skuadrat pjesmarrëse në play-off.

Vllaznia mundet nga Teuta 0-3 në Shkodër

Ekipi i volejbollit të meshkujve të Vllaznisë e ka humbur ndeshjen e rradhës në kampionat. Atë që ka luajtur pikërisht pasditen e sotme ndaj Teutës së Durrësit. Ndeshja është zhvilluar në pallatin e sportit "Qazim Dervishi" të Shkodrës dhe është fituar nga durrsakët me rezultatin 3-0. Ata e kanë nisur takimin me një epërsi të dukshme, duke përfituar edhe nga gabimet e shumta të vendasve dhe për rrjedhojë, e kanë fituar setin e parë në shifrat 25-12. Vetëm 12 pikë për Vllazninë e ky është treguesi më i mirë i nisjes së keqe që ajo i bëri ndeshjes. Në setin e dytë djemtë e trajnerit Artan Kalaja korigjuan diçka duke rivalizuar deri në fund megjithatë e humbën edhe atë në shifrat 20-25.

Vllaznia mundet 0-3 nga Tirana për javën e 17-të

Vllaznia ka humbur në javën e 17-të të kampionatit kombëgtar të volejbollit për meshkuj. Ajo ka luajtur në kryeqytet ndaj Tiranës dhe duhet thënë se ka qenë një ndeshje shumë e rivalizuar gjatë gjithë kohës. Kjo shihet qartë tek rezultatet e vërejtura në të tre setet që pavarësisht se u humbën, treguan shumë rivalitet. Në setin e parë, u sigluan shifrat 26-24 për bardheblutë. E njëjta situatë, shoqëruar me gabime të shumta tek të dy ekipet, shoqëron ato edhe në setin e dytë dhe është përsëri Tirana që fiton 25-23. Duket se shkodranët janë të pafat në këtë e kjo shihet edhe në setin e tretë që mbaron 25-22.

Vllaznia mundet 0-3 sot nga Studenti në “Qazim Dervishi”

Pasditen e sotme në pallatin e sportit "Qazim Dervishi" të Shkodrës është zhvilluar ndeshja e javës së 16-të e kampionatit kombëtar të volejbollit për meshkuj në mes ekipeve të Vllaznisë dhe Studentit. Sfida më interesante e kësaj jave të parë të fazës së katërt, ka qenë pikërisht kjo e luajtur pra në Shkodër. Por në fakt, ajo nuk ka patur ndonjë surprizë brenda. Studenti ka arritur të fitojë dhe të ruajë vendin e parë në renditje. Djemtë e Ylli Tomorit e kanë fituar setin e parë në shifrat 25-21 duke patur deri diku konkurrencë nga shkodranët ndërsa në të dytin është e çuditshme por Vllaznia nuk arrin të shënojë më tepër se 8 pikë përballë 25 pikëve të Studentit që e ka fituar atë pastër.

Rezart Prela, një ditëlindje larg pasionit të madh-volejbollit

Ndonëse u shkëput në fillimin e këtij sezoni nga Vllaznia në volejboll për meshkuj për tu larguar drejt Gjermanisë akoma nuk është harruar lehtë. Bëhet fjalë për ish-kapitenin e kësaj skuadre, Rezart Prela. Sot në drejtim të tij kanë shkuar shumë urimë nga miqtë kudo brenda e jashtë Shqipërisë. Prela sot ka një ditë të veçante sepse mbush plot 26 vite. Ndaj ish-kapiteni i kuqebluve të volejbollit vijon të gëzojë të njëtin respekt kudo, sidomos në mjedisin sportiv në Shkodër. Për vite me radhë ai bashkë me trajnerin Artan Kalaja dhe pjesën tjetër të volejbollistëve na rikthyen një Vllazni dinjitoze në sportin e volejbollit. Sezonet e fundit shpesh herë kjo skuadër ishte pretendente serioze për fitimin e trofeve, e natyrisht kjo edhe për meritë të Prelës.

Vllaznia fiton lehtësisht 3-0 ndaj Elbasanit

Në kuadrin e javës së 14-të të kampionatit kombëtar të volejbollit për meshkuj, sot pasdite në pallatin e sportit "Qazim Dervishi" të qytetit tonë, është luajtur takimi në mes ekipeve të Vllaznisë dhe Elbasanit. Ndeshja nuk ka patur shumë histori ngaqë volejbollistët shkodranë e kanë dominuar lojën dhe për rrjedhojë, kanë fituar lehtësisht. Vetëm në setin e parë ka patur pak rivalitet teksa në fund janë rregjistruar shifrat 25-21. Në të dytin epërsia ka qenë shumë më e madhe dhe elbasanasit kanë arritur të shënojnë vetëm 13 pikë përballë 25 të vendasve ndërsa në të katërtin vetëm 14.

FUTBOLLI I FEMRAVE

HISTORI

error: NDALOHET KOPJIMI DHE PËRDORIMI I PA-AUTORIZUAR