16 bilardistët më të mirë të Shkodrës prej dy javësh kanë marrë pjesë në kupën “Ali Quku”.
Kupë kjo e organizuar nga shoqata e bilardos në Shkodër, në bashkëpunim edhe me Federatën e këtij sporti dhe kryesisht me mbeshtetjen e zevendespresidentit Ardian Vorfa.
Shumëkush ndoshta e kujton Ali Qukun vetëm si basketbollist, por Nail Alushi, veterani I këtij sporti, për mediat ka bërë të ditur se ai ka qenë edhe një nga bilardistët më të mirë të Shkodrës.
Pas ndeshjesh shumë të forta, në finale ka dalë I mirënjohuri Xhevat Sokoli kundër nipit të tij, Sehar Sokoli I cili konsiderohet si e ardhmja e këtij sporti dhe jo më kot është shpallur edhe fitues I kësaj kupe.
Në ceremoninë përmbyllëse të kupës, çmimet për fituesit janë dorëzuar nga Gjergj Leqejza dhe drejtori I Sporklub Vllaznia Mark Kroqi.
Fituesi Sehar Sokoli është shprehur I kënaqur për suksesin e arritur duke thënë se bilardoja është përveçse një traditë familjare, edhe një passion I madh I tij.
Në këtë mënyrë nderimi I figurave të Shkodrës ka vijuar edhe me atë të Ali Qukut, një emër shumë I nderuar por me siguri që në të ardhmen do të ketë të tjera aktivitete të tilla në nderim të figurave të tjera sportive.
www.shkodrasport.com
