BASKETBOLL

Ekipi i Vllaznisë në basketboll për meshkuj është blinduar me lojtarë cilësorë në prag të pjesmarrjes së tij n Ligën Ballkanike. Ditët e fundit me të në stërvitje janë bashkuar edhe dy basketbollistë malazezë dhe një kroat të cilët e kanë rritur shumë forcën e kësaj skuadre. Bëhet fjalë për malazezin Nemanja Gavriniq dhe malazezi tjetër Millosh Pajoviç. Të dy ata kanë një gjatësi mbi 2 metra dhe e kanë shtuar shumë forcën e kuqebluve në lojën poshtë tabelës. Përveç tyre, me ekipin është bashkuar dhe kroat me origjinë bosnjake Ivica Petriç.

Eshte hedhur shorti i Ligës Ballkanike në basketboll për meshkuj. Siç është bërë e ditur tashmë, në këtë edicion, do të marrë pjesë për herë të parë edhe një ekip nga Shqipëria, pikërisht kampionia e saj në fuqi, Vllaznia e Shkodrës. Me hedhjen e shortit, shkodranët kanë mësuar emrat e ekipeve kundërshtare. Kuqeblutë do të bëjnë pjesë në grupin B bashkë me ekipet kampione të Kosovës, Maqedonisë dhe Malit të Zi. Takimi i parë do të jetë ai që skuadra e drejtuar nga trajneri Bledar Gjeçaj do të luajë në pallatin e sportit të Prishtinës, ndaj skudrës së Sigalit.

"Çmenden" drejtuesit e shoqatës së basketbollit të Vllaznisë. Në prag të nisjes së ndeshjeve të Ligës Ballkanike ku ato do të marrin pjesë sivjet, po kërkojnë të bëjnë disa përforcime me basketbollistë cilësorë. Shkodranët së pari kanë kërkuar të mbajnë në skuadër basketbollistin slloven Mirza Sarajlija që ishte pjesë e saj edhe sezonin e kaluar kur u shpallën kampionë. Por supriza e bukur ka ndodhur në stërvitjen e pasdites së djeshme. Aty kanë qenë të pranishëm edhe dy basketbollistë të tjerë të huaj. Bëhet fjalë për amerikanin Chriss Scott dhe kanadezin Innosent Emmanuel.

Pas volejbollit edhe kampionatet e basketbollit do të nisin me vonesë në sezonin e ri. Kur mendohej që kampionati kombëtar I basketbollit për meshkuj ashtu edhe për femra, të nisnin në gjysmën e muajit shtator, Federata përkatëse ka vendosur që ato të nisin në fillimin e muajit tetor. Madje, edhe për këtë, ende nuk ka një datë të saktë. Shumë prej klubeve, ndër të cilët edhe Vllaznia, nuk kanë qenë dakord me një vendim të tillë. Megjithatë duket se ankesa e tyre nuk ka zënë vend sepse çdo gjë për këtë shtyrje duket e vendosur.

Punimet për rikkonstruksionin e pallatit të sportit “Qazim Dervishi” po ecin me ritme të kënaqshme dhe pritet që të mbarojnë Brenda afatit. Kjo është bërë e ditur nga ana e shefit të klubit shumësportësh Mark kroqi në një intervistë për gazetën shkodrasport.com. Sipas tij, tashmë po bëhet puna kryesore për shtrimin e parketit dhe shumë shpejt ai mendon se ky impiant sportiv do të marrë një pamje krejtësisht tjetër.Kësisoj pas vendosjes së sistemit të aspirimit tashmë po ndërrohet edhe parketi dhe pallati I sportit “Qazim Dervishi” po bëhet gati për të pritur ndeshjet e Vllaznisë në Ligën Ballkanike që siç dihet do të startojë në muajin tetor të këtij viti.

Prej dy ditësh puna ka nisur. Ndonëse me një fuqi punëtore jo shumë të madhe aktualisht, firma fituese e tenderit, ka premtuar se në ditët në vijim, fuqia punëtore do të rritet dhe intensiteti i punimeve do të përshpejtohet. Gjëja e parë që do rikonstruktohet do jetë parketi. Ka filluar heqja e parketit ekzistues dhe shumë shpejt do të vendoset i riu, që do të jetë krejt ndryshe nga ky aktuali. Vendosja e parketit do t’i mundësojë ekipit të basketbollit të Vllaznisë vazhdimin e procesit stërvitor aty. Njëkohësisht bashkë me këtë proces, do të nisë edhe zgjerimi i fushës. Mendohet që përmasat e fushës pas këtij rikonstruksioni të jenë në parametrat e duhura për ndeshje ndërkombëtare.

Punimet per rikonstruksionin e pallatti te sportit duhej të kishin nisur. Të paktën kështu u pat premtuar se në fillim të korrikut, punëtorët do kishin mbërritur në ambjentet e pallatit të sportit “Qazim Dervishi” për të nisur punën. Por nuk ka ndodhur kështu. Arsyeja ka qenë ana proceduriale. Në fillim ka qenë ftesa për firmat e ndërtimit, më pas rregjistrimi në tender ku kanë marrë pjesë 7 firma. Zhvillimi I tenderit ka nxjerrë edhe firmën fituese por për arsye procedurash, ajo ende zyrtarisht nuk ka nisur nga puna.

Një sezon që ka folur i gjithë për Vllazninë në basketboll. Pas titullit kampion me të rriturit dhe atij me të rinjtë, ditët e fundit ekipet e klubit Vllaznia kanë arritur të fitojnë edhe dy tituj të tjerë kampionë. Fillimisht me U-16 ndërsa sot është shpallur kampion edhe me U-12. Ndeshja finale është luajtur në mesditë në pallatin e sportit "Qazim Dervishi" dhe përballë ekipit shkodran ka qenë Superior Klima e Tiranës. Epërsia e basketbollistëve të vegjël të Vllaznisë të drejtuar nga ana e trajnerëve Bledar Gjeçaj dhe Afërdita Rakaj ka qenë e madhe dhe në fund ata janë shpallur fitues duke merituar kështu edhe titullin kampion.

Vllaznia në basketboll për meshkuj do të marrë pjesë në Ligën Ballkanike të basketbollit. Kishte ditë që flitej për këtë gjë por në fakt konfirmimi përfundimtar ka ardhur nga Bordi ekzekutiv I kësaj lige. Ai është mbledhur ditën e djeshme në Sofje të Bullgarisë në mbledhjen  e tij të rradhës dhe të pranishëm në këtë mbledhje ka qenë I pranishëm edhe trajneri I ekipit të Vllaznisë Bledar Gjeçaj si dhe sekretari I Federatës Shqiptare të Basketbollit Korab Llazani. Të dy ata kanë shprehur dëshirën që skuadra kampione e vendit tonë të merrte pjesë në këtë Ligë shumë të rëndësishme. Përveç Vllaznisë dhe Shqipërisë, ka patur një kërkesë edhe nga skuadra kampione e Kazakistanit për të qenë pjesë e kësaj Lige.

Vllaznia është shpallur kampione e Shqipërisë edhe për të rinj në basketboll. Ajo ka triumfuar në finale ndaj ekipit të Teutës me rezultatin 62 me 47 në një ndeshje që ka dhuruar shumë emocione. Vllaznia dhe Teuta kanë qenë ekipet më të mira të kampionatit dhe këtë e kanë treguar edhe në ndeshjen finale e cila është ndjekur nga një masë e madhe spektatorësh. Ekipi shkodran e ka nisur që në minutën e parë në avantazh dhe atë e ka ruajtur deri në fund teksa është dëgjuar vërshëllima e gjyqtarit dhe basketbollistët bashkë me stafin drejtues dhe tifozët kanë shpërthyer në delir.