BASKETBOLL

Në Shkodër kanë qenë gati për nisjen e kampionatit kombëtar të basketbollit si për femra ashtu edhe për meshkuj. Por shtyrja e tyre edhe për të paktën një javë, u ka prishur jo pak humorin sportistëve dhe trajnerëve të tyre. Për trajnerin e ekipit të femrave të Vllaznisë Rajmond Rasha, të tilla shtyrje janë absurde. "Nuk janë aspak normale që kampionatet shtyhen në një mënyrë të tillë.

Pritej që të niste këtë fundjavë kampionati kombëtar I basketbollit si për meshkuj ashtu edhe për femra por nuk do ndodhë kështu. Të paktën edhe për një javë tjetër kjo nuk do të ndodhë. Kjo ngaqë Federata Shqiptare e Basketbollit ka probleme me pagesat e gjyqtarëve që nuk pranojnë të fillojnë kampionatin pa u paguar për detyrimet e mëparshme.

Basketbollisti shkodran Herion Faslija ende pa zgjidhur kontratën apo marrëveshjen që ka me “Sport Klub Vllaznia” e shoqatën e basketbollit “Vllaznia” ka nisur përgatitjet me skuadrën e Kamza Basket me të cilën pretendon të luaj sezonin e ri që akoma nuk është përcaktuar se kur mund të fillojë nga Federata Shqiptare e Basketbollit.

Prej ditësh basketbollisti i Vllaznisë Herion Faslija po kërkohet nga skuadra e Kamza Basket si përforcim për sezonin e ri. Por shkodrani deri tani ka mbetur peng i një kontrate të nënshkruar mes “Shoqatës së Basketbollit Vllaznia” dhe “Sport Klub Vllaznia” që veç emrin e ka të tillë sepse në fakt në atë çfarë ka në përbërje është krejtësisht e parregullt, edhe pse e noterizuar. Faslija ka kërkuar të largohet por në fakt “Sport Klub Vllaznia” fillimisht i ka kërkuar të paguaj gjobën prej 1.5 mln lekësh të vjetra

Vllaznia në basketboll për meshkuj vijon që edhe në këtë pragsezoni të jetë skuadra e problemeve duke u rikthyer sërish thuajse në stadin e dy viteve të fundit nga ku përveç anës ekonomike të dobët kishte edhe mungesa lojtarësh. Një tjetër basketbollist është drejt largimit nga ekipi shkodran. Bëhet fjalë për shtatlartin Herion Faslija. Shkodrani një pjesë të sezonit të kaluar luajti me Vllazninë dhe u duk sikur edhe këtë vit do të ishte pjesë e kuqebluve në skuadrën fillimisht të riformatuar që filloj një shpërbërje graduale. Shkodrani duke se ka një ofertë të majme nga skuadra e “Kamza Basket” e cila dëshiron të ketë shërbimet e tij për sezonin e ri

Sot janë larguar nga Vllaznia dy basketbollistë. Bëhet fjalë për Fatjon Taraboshin dhe Erjon Llazanin të cilët ditën e enjte kanë prishur kontratën me “Sport Klub Vllaznia” për tu larguar drejt Durrësit e për t’u bashkuar me Teutën vendase. Të dy këta basketbollistë dobësojnë ndjeshëm ekipin e Vllaznisë. Taraboshi në merkaton e verës erdhi nga Teuta tek Vllaznia.

Skuadra e Vllaznisë në basketboll për meshkuj po përgatitet intensivisht për Kampionatin e ri që akoma nuk është përcaktuar se kur mund të fillojë. Shkodranët këtë sezon kanë në përbërje një grup të mirë basketbollistësh dhe kërkojnë të jenë të paktën mes katër ekipeve më të mira në grupin A dhe jo siç ndodhi në dy sezonet e fundit kur Vllaznia rrezikoi rënien në grupin B. Është vetë trajneri Bledar Gjeçaj që flet për ekipin e riformatuar të Vllaznisë teksa konfirmos se të gjithë basketbollistët kanë firmosur dhe se kësaj here do të jetë një Vllazni ndryshe nga ajo e dy viteve të fundit.

Ish-basketbollisti dhe ish-trajneri i Vllaznisë Zenel Vekshari, që nga dita e djeshme është emëruar trajner i ekipit të basketbollit të femrave Kamza Basket. Emërimi është bërë nga drejtuesit e klubit shumësportësh në një ceremoni që kanë zhvilluar në pallatin e sportit “Asllan Rusi” të Tiranës.

Skuadra e Vllaznisë në basketboll për femra në ditët e fundit ka pësuar disa ndryshime. Në fakt kanë qenë thuajse të paralajmëruara, por tashmë janë zyrtarizuar. Bëhet fjalë për një largim dhe dy afrime në skuadër. Nga radhët e vajzave kuqeblu të basketbollit është larguar Paradisa Memçaj.

Skuadra e Vllaznisë në basketboll për të rritur zyrtarisht konfirmohet si një nga ekipet që këtë sezon do të rivalizojë denjëisisht në grupin A. Ditët e fundit me skuadrën që drejtohet nga trajneri Bledar Gjeçaj të gjithë basketbollistët kanë hedhur firmat duke nënshkruar kontrata njëvjeçare me Vllazninë. Kështu pas një periudhe të gjatë përgatitjesh ka ardhur edhe momenti firmosjes kontratave.