Vllaznia në Zogaj, Tirana në Shirokë, rivalët stërvitje 2 km larg

0

Mund të duket e çuditshme por është e vërtetë. Ekipi i boksit të Tiranës përgatitjet për kampionatin kombëtar që do të zhvillohet muajin e ardhshëm në Shkodër, ka zgjedhur t'i bëjë pikërisht në këtë qytet. Nuk dihet arsyeja pse trajneri Bushati ka vepruar kështu, ndoshta për t'iu përshtatur ambjentit apo dhe ndonjë arsye tjetër por e vërteta është se ekipi kryeqytetas ka zgjedhur pikën turistike të Shirokës për t'u përgatitur.

Federata e boksit vendos: Kampionati do të zhvillohet në Shkodër

0

Kampionati kombëtar i boksit për këtë vit do të zhvillohet në Shkodër. Kështu ka vendosur kryesia e kësaj Federate në mbledhjen e saj të ditëve të fundit, pasi më parë është mbledhur edhe këshilli i trajnerëve dhe ka vendosur në këtë mënyrë. Madje përveç kampionatit të të rriturve, në Shkodër do të zhvillohet edhe kampionati i 18 vjeçarëve. Natyrisht që një vendim i tillë është i favorshëm për sportdashësit shkodranë të cilët do të kenë mundësinë të shohin në ringun e pallatit të sportit “Qazim Dervishi” boksierët më të mirë të vendit. Ndërkohë, Kupa e Shqipërisë është rënë dakord që të zhvillohet në Vlorë por nuk ka datë të përcaktuar ngaqë ka një dilemë për ta zhvilluar në nëntor apo dhjetor.

Edhe Bilali e Sorra e nisin me fitore pjesmarrjen në Europian

0

Pas Kristian Demajt edhe dy boksierët e tjerë të kombëtares shqiptare- Asmer Bilali e Albi Sorra, e kanë nisur me fitore pjesmarrjen e tyre në Kampionatin Europian që është duke u zhvilluar në Sofje të Bullgarisë. Takimi i parë ka qenë ai i boksierit shkodran i cili në ndeshjen e zhvilluar pasditen e sotme, ai ka patur përballë boksierin çek Tomas Bezvoda. Ndeshja është shoqëruar me rivalitet të madh por në fund ka triumfuar boksieri kuqezi me rezultatin 2-1. Ai ka arritur të marrë fitoren nga vlerësimi i gjyqtarit azerbajxhanas që ka dhënë rezultatin 29-28 si dhe të atij nga Kazakistani që ka dhënë të njëjtin vlerësim.

Kristian Demaj e nis me fitore Europianin. Mund kundërshtarin boshnjak

0

Boksieri shkodran Kristian Demaj ka startuar për mrekulli në kampionatin evropian që po zhvillohet në Sofje të Bullgarisë. Në ndeshjen e mbrëmjes së somte ai shkëlqyer me fitore ndaj boksierit nga Bosnja e Hercegovina, Elvir Sendro. Demaj ishte më i mirë në tre raundet duke triumfuar tre me zero. Ndeshja është dominuar nga boksieri shkodran i cili ka dominuar duke fituar këtë ndeshje ndërkohë që sipas shortit të hedhur, në turin tjetër do të ndeshet me një boksier polak i cili është kampion Europe në fuqi megjithatë boksieri i kombëtares shqiptare do të tentojë fitoren edhe ndaj tij.

Boksierët e kombëtares grumbullim në Razëm në përgatitje për Europianin

0

Katër boksierë të ekipit kombëtar shqiptar që nga dita e sotme janë grumbulluar në pikën turistike të Razmës në përgatitje për Kampionatin Europian që do të zhvillohet në datat 7-15 gusht në Sofje të Bullgarisë. Boksierët e grumbulluar janë Krenar Zeneli, Denis Nurja, Asmer Bilali dhe Kristian Demaj, ndërkohë që bashkë me ta do të jenë edhe trajnerët Zef Gjoni dhe Jozef Sermi. Ky grumbullim është bërë i mundur falë sponsorizimit të dy presidentëve të ekipit të Vllaznisë, Flamur Hoxha dhe Gjergj Livadhi. Sipas trajnerit Gjoni, përgatitjet janë disi të vonuara megjithatë do të bëhet maksimumi për të bërë një paraqitje të mirë në këtë aktivitet të rëndësishëm.

Zgjedhjet tek boksi pas 9 ditësh. Akuza për… “shoqata fantazëm”

0

Kanë mbetur vetëm 9 ditë nga dita kur do të zhvillohet Asambleja Zgjedhore e Federatës Shqiptare të Boksit dhe atmosfera tashmë ka filluar të nxehet. Siç dihet, "lufta" ekziston në mes dy grupeve dhe prej kohësh, kanë filluar edhe përplasjet. Nga njëra anë, është presidenti aktual i Federatës Gjergj Leqejza dhe pjestarë të tjerë të këtij institucioni ndërsa në krahun tjetër janë shumica e ekipeve të vendit të cilët tashmë kanë propozuar për president një emër tjetër, atë të Florend Kalivopulit. Ky i fundit është propozuar nga 11 klube dhe shoqata sportive ndërsa presidenti aktual Leqejza është propozuar nga vetëm 4 klube e shoqata.

Leonard Ara dhe Armen Arrazi, kampionët 14 vjeçarë të Vllaznisë

0

Dy boksierë të Vllaznisë kanë triumfuar në kampionatin kombëtar të 14 vjeçarëve duke zënë vende të para dhe duke u shpallur kampionë në peshat respektive. Leonard Ara dhe Armen Arrazi, kanë triumfuar mbi kundërshtarët e tyre, në kampionatin e zhvilluar për dy ditë me rradhë në qytetin e Vlorës. Madje Ara ka marrë edhe kupën e boksierit më luftarak në këtë kampionat. Ekipi i Vllaznise ka marre pjese vetem me keto dy boksiere ne kete kampionat dhe te dy ata kane rezultuar te suksesshem duke dominuar mbi rivalet e tyre. Drejtuesit e boksit shkodran I konsiderojnë këto dy sportistë si element të së ardhmes dhe kanë shumë besim tek perspektiva e tyre.

Zef Gjoni: Shkodra nderoi veten me organizimin e Memorialit

0

Suksesi I sportit të boksit në Memorialin e zhvilluar fundjavën e kaluar në Shkodër, ka zënë edhe pjesën më të madhe të emisionit “Sport Arena” të kësaj jave në televizionin Rozafa. I ftuar në studio ka qenë trajneri I Vllaznisë dhe njëkohësisht I kombëtares shqiptare Zef Gjoni që padyshim ka vlerësuar organizimin e këtij aktiviteti por edhe nivelin e paraqitur nga boksierët tanë. "Treguam edhe njëherë se dimë të presim e të organizojmë aktivitete shumë të rëndësishme. Kuptohet që nuk ishte e lehtë sepse mysafirë ishin shtete me boks të zhvilluar që marrin pjesë në turne të rëndësishëm. Por klubi Vllaznia me ndihmën e Bashkisë Shkodër bënë që gjërat të shkojnë mirë. Jam shumë i kënaqur edhe sa i takon cilësisë së ndeshjeve të zhvilluara.

Mbyllet Memoriali i boksit. Shqipëria e para mes 10 shtetesh

0

Memoriali i XII-të Ndërkombëtar "Vllaznia 2015" në boks është mbyllur në mënyrën më të mirë të mundshme. Një orgazim perfekt, një pjesmarrje e madhe dhe me boksierë shumë cilësorë nga 10 shtete të Europës dhe ajo çka është më e rëndësishmja, vend i parë për kombëtaren shqiptare në renditjen ekipore. Përveç kësaj, boksieri Rexhildo Zeneli ka marrë kupën e sportistit më të mirë të aktivitetit. Ndeshjet finale kanë dhuruar sfida shumë interesante dhe në fund, ka patur dy vende të para për boksierët e Shqipërisë (Krenar dhe Rexhildo Zeneli), dy vende të para edhe për Gjermaninë, Italinë e Kazakistanin ndërsa nga një vend të parë kanë zënë Bullgaria e Kosova. Në ceremoninë e dorëzimit të medaljeve dhe të kupave ka marrë pjesë edhe drejtori i sportit në Ministrinë e Arsimit dhe të Sportit, z. Vladimir Gjonaj, presidenti i Federatës së Boksit Gjergj Leqejza e të tjerë personalitete.

Pesë boksierë të kombëtares sonë në finalet e Memorial “Vllaznia 2015”

0

Ndeshjet e ditës së dytë të Memorialit "Vllaznia 2015" kanë dhuruar sërish emocione të shumta. Në 14 takimet e zhvilluara, më shumë fitore kanë arritur boksierët e kombëtares sonë teksa janë fituar tre ndeshje pikërisht nga Rexhildo Zeneli, Alban Beqiri dhe Aleksander Rama. Kanë humbur ndërkohë Ardit Nurja dhe Emanuel Kaçaj. Takimet janë zhvilluar shumë të bukura dhe ka rënë në sy edhe prania në këto ndeshje e kandidatit për president të Federatës Shqiptare të Boksit, z. Florent Kalivopulli. Ja rezultatet e sotme: