SHKODRANET NEPER BOTE

Armando Vajushi duket se është rikthyer në formën e tij më të mirë te skuadra e Serisë B, Pro Vercelli. Sulmuesi shkodran ka qenë protagonist duke dhënë një asis në fitoren 5-1 të skuadrës së tij në transfertë kundër Perugia-s. Vajushi dha pasimin e saktë për golin e 5-të të shënuar nga Morra.

Mbrojtësi i Kombëtares shqiptare, Elseid Hysaj, vazhdon të jetë në formë të mirë, duke marrë vlerësime nga mediat përtej Adriatikut. Mbrojtësi shkodran shkëlqeu edhe në ndeshjen e fundit të kampionatit në Serie A, në fitoren 3-0 ndaj Cagliari-t në “San Paolo”, duke dhënë ndihmën e tij edhe në fazën sulmuese, pasi në fazën mbrojtëse as që diskutohet që ka bërë detyrat shumë mirë.

Fillimisht shumëkush nuk besoi tek aftësitë e saj por sot, Alma Hilaj, ish- futbollistja e "Juban Danja", është pjesë e ekipit italian CF Florentia të Firences. Kjo skuadër militon në Serinë B të futbollit të femrave të këtij vendi dhe këtë sezon ka objektiva serioze për t'u ngjitur në Serinë A. Hilaj luan si mesfushore dhe ka mbërritur para një vit në Itali pranë familjarëve të saj.

Hamdi Salihi nuk ka ndërmend të ndalet në kategorinë e parë në Austri të njohur si “Erste Liga”. Ish-sulmuesi i kombëtares sonë ka shënuar sot golin e fitores për ekipin e tij Wiener Neustadt në transfertën ndaj Hartberg.Sulmuesi shqiptar shënoi në minutën e 70-të, duke finalizuar në mënyrë spektakolar një aksion nga krahu i djathtë.

Sulmues shkodran Bekim Balaj rikthehet të luajë sërish për skuadrën e tij Akhmat Grozni. Ai ka provuar sërish emocionet e lojës, kur zëvendësoi Bernard Berishën në minutën e 80-të në fitoren minimale 1-0 të Akhmat Groznit ndaj Rubin Kazanit. Balaj nuk aktivizohej për skuadrën ruse nga 10 gushti, pikërisht në ndeshjen e humbur 2-3 me Krasnodarin, edhe në atë takim i futur si zëvendësues nga minuta e 63-të.

Luhej ndeshja Beveren- Anderleht në stadiumet e Belgjikës bëjnë tifo edhe për Vllazninë. Të pranishëm në stadium kanë qenë një grup tifozësh shkodranë të cilët nuk kanë ngurruar të shpalosin edhe flamurin kuq e blu duke krijuar një atmosferë edhe më të këndshme. Skuadra shkodrane sigurisht që nuk ka tifozë vetëm në këtë qytet por janë me qindra e me mijëra të hapur anë e kënd botës të cilët nuk ngurrojnë për asnjë moment që të bëjnë tifo për skuadrën e tyre të zemrës.

Qysh nga mbërritja e Nejmarit dhe Kilian Mbape gjatë meraktos verore, të gjithë endërrojën të luanë për Paris Sën Zhermenin. Janë të shumtë tashmë lojtarët që do të donin të ishin në formacionin galaktik të Unai Emeri. “I pyetur nga media TMW, agjenti i Elseid Hysat, mbrojtësit të djathtë të Napolit, ai ka hapur qartësist portën e “stallës pariziene”.

Sulmuesi 19 vjeçar Rubin Hebaj pas dy golave që ka shënuar deri më tani në kampionatin slloven të futbollit me ekipin e tij Domzhale, e ka gjetur golin edhe në Kupën e këtij vendi. Në ndeshjen e luajtur pasditen e sotme ndaj ekipit NK Mura, ai ka arritur ta dërgojë topin në rrjetë që në minutën e 14-të duke kaluar në avantazh Domzhalen.

Mund të luajë për skuadra të mëdha. Të formatit Juventus, Real Madrid apo PSG.Bëhet fjalë për Elseid Hysajn.Të paktën kështu mendon menaxheri i mbrojtësit shqiptar, Mario Xhufredi për frekuncat e “TMë Radio”, radios së portalit të njohur sportiv italian.

Një tjetër Hysaj mund të bëhet pjesë e Serisë A. Pas Elseidit i cili tashmë është shndërruar në një lojtar kyç të formacionit të Napolit si dhe të kombëtares shqiptare, kushëriri i tij Alesio Hysaj është nën vëzhgim nga klubet e elitës së futbollit italian. Mesfushori 18-vjeçar po bën paraqitje mjaft të mira me skuadrën e Materës në Serinë C dhe ka tërhequr vëmendjen e vëzhguesve të disa klubeve të Serisë A.