Megi Doçi dhe futbollistet e tjera te Vllaznise te shtunen qe shkoi munden 4-0 Apolonine, rivalen e tyre kryesore dhe tashme e shohin veten gjithnje e me afer titullit te 9-te kampion. Sulmuesja e njohur ndjehet e lumtur per kete gje, por nga ana tjeter deklaron se eshte e pangopur per te tjera arritje me fanellen kuqeblu.
“Jam shume e lumtur qe jam pjese e Vllaznise prej 9 vitesh dhe padyshim qe ky emer dhe ngjyrat kuqeblu jane bere shume te rendesishme per jeten time”- thote ne fillim te rrefimit te saj per “Shkodra Sport” sulmuesja kuqeblu.
Gjate bisedes me te, ajo na zbulon edhe nje fakt shume interesant: Jo shume kohe me pare, perfaqesues te ekipeve te Tiranes dhe Partizanit, kane tentuar ta joshin per te lene Vllaznine dhe per t’iu bashkuar atyre ekipeve, por pergjigja ka qene negative.
“E kam thene shpeshhere kete gje se Vllaznia per mua eshte diçka shume e rendesishme dhe e tille do te mbetet gjithmone. Une nuk do ta nderroj me asnje skuader tjeter ne Shqiperi ate.
Po ju zbuloj nje fakt. Kur u krijuan ekipet e Tiranes dhe Partizanit, kam patur oferta nga drejtuesit e tyre duke me kerkuar qe ta le Vllaznine, por kam refuzuar.
Njeri nga drejtuesit e Tiranes tentoi edhe me shume duke me thene se eshte nje skuader me me shume trofe se Vllaznia, fanella e saj eshte me e rende se ajo e Vllaznise apo dhe gjera te tjera dhe a e dini se cila ka qene pergjigja ime:
“Historia e futbollit eshte Vllaznia dhe vetem Vllaznia. Ju mund te mendoni se fanella e skuadres tuaj eshte e rende, por ju siguroj se fanella e Vllaznise peshon me shume se gjithe te tjerat. Edhe nese me ofroni 10 milione leke ne muaj, une nuk e le Vllaznine”.
E kam thene kete gje me fjalet qe me dilnin nga shpirti dhe do t’i them gjithmone sepse Shkodres dhe Vllaznise i detyrohem shume. Kam ardhur ketu para 10 vitesh dhe jam rritur ne kete qytet, jam formuar si njeri dhe si sportiste aty dhe nuk kam pse ta nderroj me asnje ekip tjeter. I detyrohem gjithçka presidentit Lazer Matija, te cilit do t’i jem mirenjohes gjithe jeten”- eshte shprehur ne prononcimin e saj ekskluziv per gazeten “Shkodra Sport” sulmuesja e Vllaznise Megi Doçi.
