Elseid Hysaj vazhdon të jetë në qendër të kritikave për paraqitjet e tij me fanellën e Napolit. Edhe disa nga figurat e njohura të këtij klubi, si ish-mesfushori Françesko Montervio, i cili ka luajtur më shumë se 150 ndeshje me fanellën e kaltër, vazhdojnë të kritikojnë rregullisht mbrojtësin e përfaqësueses dhe cilësojnë vlerësimet për të si të tepruara.
“Hysaj është një lojtar i mirë por vetëm një i çmendur mund të paguajë klauzolën prej 50 milionë eurosh. De Laurentis shpreson që të ndodhë”, tha ai në emisionin “4 Kapitenët” në “Calcio Napoli 24 TV”.
Ish-kapiteni i Napolit nuk është kursyer edhe më pas me kritikat, duke e cilësuar futbollistin shqiptar si pikën e dobët të skuadrës.
“Ai nuk ka asnjë lidhje me këtë Napoli të madh. Ofertat e klubeve të mëdha për të cilat flet menaxheri i tij nuk ekzistojnë.
Tre milion euro rrogë? Mua më duken të tepruara, si mbrojtës krahu që është fiton shumë edhe kaq sa ka”, ishin fjalët e tij për mbrojtësin shqiptar. /vipsport/
