Java e ardhshme e Kategorisë Superiore do të jetë sërish e ndarë në tre ditë, saktësisht do të luhet të premten,të shtunën dhe të dielën. Ditën e premte spikat ndeshja e Vllaznisë me Laçin.
Kryesuesit pasik kaluan provën ndaj Partizanit, kanë sërish përballë një kundërshtar të sikletshëm edhe pse këtë herë e luajnë në shtëpi sfidën.
Ndërkaq, të shtunën, spikat transferta e Partizanit në Ballsh ndaj Bylisit. Të kuqtë kanë objektiv për të vazhduar luftën për titull, por mallakastriotët janë në një situatë të vështirë dhe me rezultatet e fundit rrezikojnë mbijetesën në elitë. Sakaq, në kryeqytet, Tirana e Orges Shehit do të presë Skënderbeun.
Bardheblutë u rikthyen te suksesi ndaj Apolonisë dhe tashmë do të kërkojnë vazhdimësinë për t’u ngjitur në klasifikim. Ndërkohë, në Durrës, Teutës i duhet të bëjë “detyrat e shtëpisë” përballë Apolonisë, duke qenë se vijnë pas humbjes me Laçin.
Nderkohe ndeshja Kukesi- Kastrioti do te luhet te dielen ne Shkoder. Verilindorët vijnë pas tre fitoreve radhazi dhe shkëlqyen nën drejtimin e Mirel Josës ndaj Skënderbeut, mirëpo nga ana tjetër edhe krutanët, së fundmi kanë marrë katër pikë në dy ndeshjet e fundit dhe janë në një gjendje pozitive.
Ndeshjet, të premten:
18:00 Vllaznia-Laçi
Të shtunën:
13:45 Tirana-Apolonia
13:45 Bylis-Partizani
16:45 Teuta-Apolonia
Të dielën
13:45 Kukësi- Kastrioti