Interesimi i tifozeve shkodrane per ndeshjen qe do te luhet sot ne Craiova ne mes Universitateas vendase dhe Vllaznise ka qene i madh dhe njekohesisht edhe deshira e tyre per te qene te pranishem ne stadium, per ta ndjekur “live” ate.
Por megjithate distanca e larget apo dhe arsye te tjera kane bere qe shume prej tifozeve pavaresisht deshires, te mos kene mundesi per te qene ne stadium per kete ndeshje. Megjithate se paku 100 tifoze kuqeblu pritet te jene ne “Ion Oblemenco” mbremjen e sotme.
Ata jane organizuar ne menyra te ndryshme, kush me autovetura private, kush me furgone apo mjete te tjera dhe madje kane filluar te mberrijne qe mbreme ne Craiova.
Per t’u ardhur ne ndihme atyre, drejtuesit e klubit shkodran pak dite me pare lajmeruan te gjithe tifozet qe do ishin ne Rumani per kete ndeshje qe te kontaktonin me personat pergjegjes ne klub, per sigurimin e biletave ne menyre qe ata ta kene sa me te lehte hyrjen dhe qendrimin ne stadium.
Por jo vetem kaq. Mesohet se presidenti Xhaferi ka marre persiper qe te gjithe keto bileta t’i paguaje ai dhe ato te lene falas per tifozet qe kane marre rrugen drejt Craiovas. Ata do te vendosen ne sektorin 18 te stadiumit dhe pritet te krijojne nje atmosfere te kendshme ne mbeshtetje te kuqebluve./SHKODRA-SPORT.COM/
