Ndaj Malit te Zi tre dite me pare debutoi me kombetaren U17 dhe pritet qe sot ne Podgorice te zhvilloje edhe ndeshjen e dyte me fanellen kuqezi ne trup. E kemi fjalen per futbollistin e Akademise Vllaznia Flori Spahija i cili po perjeton momente te lumtura ne karrieren e tij.
Per t’ia shtuar edhe me shume ato, ka menduar edhe klubi Vllaznia i cili permes faqes zyrtare e ka uruar kete ate per kete grumbullim. Ja çfare shkruhet ne postimin e klubit kuqeblu:
“Futbollisti i Akademisë Vllaznia Flori Spahija ka debutuar me kombëtaren U17 të Shqipërisë. Në ndeshjen e parë miqësore ndaj Malit të Zi, luajtur në stadiumin “Loro Boriçi”, të cilën kuqezinjtë tanë e fituan 3-0, mbrojtësi i majtë shkodran është aktivizuar nga trajneri Beqiri në 20 minutat e fundit dhe ka bërë një paraqitje të mirë duke e justifikuar besimin e tij.
Ndërkohë sot, pritet që Spahija të aktivizohet sërish në miqësoren e dytë në mes këtyre dy ekipeve, miqësore kjo që do të luhet në Podgoricë.
Në këtë mënyrë, puna e bërë prej kohësh në stërvitje, po i shpërblehet këtij futbollisti të ri i cili në javët e para të kampionatit, ka qenë ndër futbollistët që ka rënë në sy me paraqitjet e tij të mira në rradhët e ekipit Vllaznia U17 dhe jo më kot stafi i ekipit kombëtar e ka grumbulluar. KF Vllaznia i uron suksese futbollistit Flori Spahija në këtë përvojë të re që ka nisur me ekipet kombëtare”.
