Boksieri shkodran Kristian Demaj do te rikthehet serish ne ringun profesionist. Pas tre ditesh, pikerisht me 21 maj, ai do te ngjitet ne ringun e Kelnit ne Gjermani per te zhvilluar ndeshjen e tij te peste ne profesionizem.
Perballe tij do te jete nje boksier turk, por Demaj do te tentoje fort per te fituar sepse ka kohe qe pergatitet shume seriozisht per ndeshjen e se dieles.
Kujtojme qe 32 vjeçari e filloi boksin profesionist ne fundin e vitit 2019 dhe brenda tre muajve zhvilloi tre ndeshje duke i fituar te trija ato, madje ne ate ndaj Robert Grguric fitoi edhe gjerdanin e Federates Universal Boxing Organization International (UBO).
Pas kesaj ndeshje erdhi pandemia dhe Demaj per njefare periudhe u shkeput nga boksi, nderkohe qe vitin e fundit ka vendosur te rikthehet serish dhe ndeshjen e katert e ka zhvilluar muajin e kaluar ne Poloni duke humbur ndaj boksierit Tomas Salek.
Sigurisht qe per ate ndeshje ndoshta boksieri shkodran nuk kishte pergatitjen e duhur, por krejt ndryshe do te jete te dielen ku padyshim qe Kristian Demaj do te synoje te fitoje ndeshjen e katert ne boksin profesionist. Per momentin ai eshte i renditur ne vendin e 419-te ne ranglisten boterore dhe nje fitore e mundshme pas tre ditesh me siguri qe do ta ngjise shume ne renditje.
Gjergj KOLA
