Nuk kanë fund bëmat në start të Kampionatit Europian i cili nisi me ndeshjen Itali- Turqi qe u mbyll me fitoren e axurreve me shifrat 3-0.
Pas puthjes ndërmjet tifozëve kundërshtar dhe tifozit turk që improvizoi mustaqet sipër maskës, kësaj radhe protagonist është bërë një tifoz i Italisë, i cili ka gjetur rezultatin e saktë të ndeshjes madje ka qëlluar dhe golashënuesit.
Tifozi i është përgjigjur një postimi të UEFA-s në ‘’Twitter’’, teksa në orën 11:30 të paradites ka bërë një status ku shkruan fitoren e Italisë me rezultatin 3-0 me shënues Imobilen dhe Insinjen madje ka qëlluar dhe autogolin e shkaktuar nga Demiral.
Postimi po bën xhiron e rrjetit teksa njerëzit kanë vërshuar në pëlqime dhe komente në profilin e italianit.
