Afrimi i ndeshjeve të kombëtares shqiptare ka sjellë edhe grumbullimin e ekipit tonë kombëtar të futbollit të femrave. Më datë 10 shtator trajneri Armir Grima do të ketë në dispozicion futbollistet me të cilat do të ndeshet ndaj Zvicrës më 15 shtator, ndeshje që do të zhvillohet në vendin toën dhe katër ditë më vonë në Bjellorusi ndaj kombëtares vendase, ndeshje këto të vlefshme për eliminatoret e Kupës së Botës.
Në listën e ekipit tonë kombëtar për këto dy ndeshje janë edhe shtatë futbolliste të Vllaznisë dhe pikërisht: Albina Rrahmani, Luçie Gjini, Arbiona Bajraktari, Esmeralda Franja, Sara Maliqi, Suada Jashari dhe Megi Doçi. Ato përbëjnë bazën kryesore të kësaj kombëtare dhe ndonëse do të jetë shumë e vështirë për të kërkuar një rezultat pozitiv në këto ndeshje, ata do ta tentojnë një gjë të tillë.
© shkodrasport.com
