Pasditja e neserme do te dhuroje nje tjeter ndeshje miqesore per ekipin e Vllaznise. Perballe saj do te jete ekipi i Dinamos, ne ndeshjen qe do te startoje ne oren 18.00 ne stadiumin “Gjorgji Kyçyku” te Pogradecit.

Ka qene vete klubi shkodran qe ka lajmeruar per nje ballafaqim te tille me skuadren e cila dy muaj me pare u rikthye serish andej nga erdhi, ne kategorine e pare. Por Dinamo e koheve te fundit duket se ka marre nje pamje krejt tjeter.

Nen drejtimin e trajnerit Nevil Dede ajo ka zhvilluar disa ndeshje miqesore ne te cilat ka treguar nje forme te mire sportive duke marre edhe rezultate pozitive. Megjithate neser ndaj Vllaznise mund te jete nje tjeter prove serioze per te, ashtu si dhe per kuqeblute.

Keta te fundit po pergatiten ne Pogradec per ndeshjen e pare te kampionatit dhe miqesorja e neserme me Dinamon apo dhe ajo e se dieles me Skenderbeun, do ta ndihmojne trajnerin Josa per te pare edhe me mire gjendjen e lojtareve, menyren e te luajturit dhe shume gjera te tjera.

Sfida ndaj bluve pritet te jete shume interesante dhe kuqeblute do te mundohen te tregojne vlerat e tyre me te mira 10 dite para sfides se pare te kampionatit, asaj qe do te luajne me 20 gusht ne Durres ndaj Erzenit./SHKODRA-SPORT.COM/