Basketbollistet e Vllaznise jane nisur sot drejt Plovdivit te Bullgarise per te luajtur ndeshjen e rradhes te Liges Ballkanike, ate ndaj ekipit vendas Akademic Bultex 99, ndeshje kjo qe do te luhet neser ne oren 18.30.
Ky takim shenon edhe debutimin e trajnerit Vladimir Ivankoviç ne pankinen kuqeblu. Padyshim qe eshte nje ndeshje shume e veshtire sepse bullgaret kane ekipin qe pretendon fitoren e ketij kompeticioni kete sezon.
Nga ana tjeter, Vllaznia ne nisjen drejt Bullgarise eshte pare qe nuk e ka te plote kontigjentin e lojtareve. Stafi teknik nuk ka me vete amerikanin Devonte qe vazhdon te kete probleme demtimi e po ashtu edhe boshnjakun Amar Barukçija.
Me keto dy lojtare jo te gatshem, pergjegjesia i bie pjeses tjeter te ekipit te beje me te miren ne kete takim. Gjithsesi pozitiv eshte fakti qe dy amerikanet e tjere, Hudson dhe Perine, i kane kaluar problemet shendetesore qe kane patur dhe pritet te luajne me ekipin ndaj Akademic.
Siç dihet, ky eshte takimi i katert per kete edicion ne Ligen Ballkanike per ekipin e Vllaznise teksa me pare ka pesuar dy humbje ndaj malazezeve te Ibar dhe kosovareve te Pejes, nderkohe qe ka fituar ndaj ekipit tjeter kosovar, atij te Rahovecit.
www.shkodrasport.com
