SHKODRANET NEPER BOTE

Flamurtari i Prishtinës nën drejtimin e trajnerit shkodran Samuel Nikaj po vazhdon rrugën e tij të sigurtë drejt ngjitjes në Superligën kosovare. Skuadra prej javësh vijon me serinë e rezultateve pozitive dhe mban sërish vendin e parë në renditje. Në ndeshjen e rradhës, atë të luajtur pasditen e sotme në fushën e vet, skuadra e drejtuar nga Nikaj ka arritur të fitojë me rezultatin e pastër 3-0 ndaj ekipit "Ramiz Sadiku".

I ka rezultuar me fat sulmuesit shkodran përjashtimi nga Vllaznia një vit më parë. Kalimi tek skuadra iraniane e Sepahanit po kthehet në një nga sukseset më të mëdha të karrierës së tij. 25 vjeçari shkodran duket se ka ndër mend të qëndrojë gjatë tek kjo skuadër teksa ditët e fundit e ka rinovuar kontratën me të. Lajmi është bërë i ditur nga vetë lojtari nga Irani i largët. Ai ka rinovuar edhe për dy vite të tjera, çka do të thotë se deri në vitin 2015, do të vazhdojë të luajë me Sepahanin.

Futbollisti shkodran Armando Vajushi është shfaqur edhe njëherë si protagonist në miqësoren e fituar së fundi nga skuadra e tij Liteks ndaj Chavdar Etropole me rezultatin 2-0. Ai ka qenë protagonist në të dy golat duke dhuruar asiste mjaft të mira për autorët e të dy golave në minutat 32 dhe 52. Kjo ka qenë miqësorja e fundit për Liteksin në prag të rifillimit të fazës së dytë të kampionatit bullgar të futbollit. Fazë kjo që fillon me një ndeshje shumë të fortë për skuadrën e Vajushit teksa të shtunën e ardhshme ajo do të përballet me CSKA të Sofjes. Në prag të nisjes së ndeshjeve të fazës së dytë, forma sportive e Vajushit është shumë e mirë.

Mosha kalon, por klasi mbetet. Hamdi Salihi, është si ajo vera që sa më e vjetër aq më e mirë bëhet. Sulmuesi shkodran ka shënuar sot një gol të shkëlqyer në suksesin 4-0 të ëiener Neustadt kundër Blau-ëeiß Linz në shtëpi. Ish-sulmuesi i Skënderbeut, ka dyfishuar shifrat në minutën e 33’ të takimit duke e shfrytëzuar në maksimum krosin e Ljubicic nga e djatha dhe me kokë e dërgon topin në trekëndëshin e portës nga hyrja e zonës.