Ndeshjen e sotme ne mes Beselidhjes dhe Turbines e cila perfundoi me shifrat 1-0 ne favor te vendasve, me golin e shenuar nga mesfushori Samet Hepaj, eshte ndjekur me interes nga nje numer i konsiderueshem tifozesh por edhe njerez te futbollit, duke ditur natyrisht rendesine qe ajo kishte per skuadren lezhjane.
Ne mes te pranishmeve ne stadiumin “Beselidhja” ka qene edhe lezhjani qe punon si pergatites atletik prane ekipit te Erzenit, Aurel Locaj. Ai ka pranuar te flase per “Shkodra Sport” ne lidhje me kete ndeshje teksa kuptohet qe eshte pyetur edhe per gjendjen fizike qe kane shfaqur futbollistet ne fushen e lojes.
Locaj eshte specialist i kesaj fushe, por sipas tij nuk mund te japesh nje percaktim te ketij aspekti per ndeshjen ne fjale sepse rendimenti i lojes ka lene shume per te deshiruar me ate se çfare kane paraqitur futbollistet e te dy ekipeve ne fushen e lojes.
“Nuk mund te flas per anen fizike te kesaj ndeshje sepse nuk mund ta beje kete gje, kur ne 90 minuta loja te zhvilluar, efektive eshte vetem 25 minuta. Kuptohet shume pak per te folur ne lidhje me kete aspekt.
Megjithate me duhet te them se trepikeshi per Beselidhjen ishte i rendesishem. I uroj suksese Beselidhjes dhe shpresoj qe ajo te ngjitet ne nivelet e duhura, duke iu larguar njehere fundit te renditjes dhe me pas te pretendoje per me lart”.
Engjell GJOLAJ
