BASKETBOLL

Një nga emrat më të njohur të basketbollit të femrave në Shkodër por edhe në Shqipëri, padyshim që është Xhuli Shestani. Ajo njihet nga të gjithë për klasin e lartë që ka shfaqur në vitet kur luante për ekipin e Vllaznisë por edhe kombëtaren shqiptare.

Federata Botërore e Basketbollit ka shpërndarë nëpër të gjithë anëtarët e saj ndryshimet e reja të rregullores, që më shumti duket se gjithçka është përshtatur me kampionatin amerikan të basketbollit. Tashmë këto ndryshime Federata Shqiptare e Basketbollit ia ka vënë në dispozicion dhe anëtarëve të saj e në mënyrë të veçantë dhe gjyqtarëve, sepse me këto ndryshime do të nisi dhe sezoni i ri në tetor.

Basketbollisti i Vllaznisë Daniel Lekndreaj është shndërruar në lojtarin kryesor të kombëtares shqiptare U-20 e cila është duke zhvilluar ndeshjet eliminatore të vlefshme për Kampionatin Europian të Basketbollit, Divizioni B. Ky turne po zhvillohet në Oradea të Rumanisë.Në ndeshjen ndaj Maqedonisë, ndonëse kjo e fundit ka fituar në kohën shtesë me rezultatin 62-54, Lekndreaj ka rënë në sy për lojën e zhvilluar por edhe për shënimin e pikëve.

Prej më tepër se një muaji, ekipet e basketbollit të SK Vllaznia, nuk lejohen të stërviten në ambjentet e pallatit të sportit "Qazim Dervishi" për shkak të urdhërit të dhënë nga drejtori i klubit Mark Kroqi. Arsyeja siç është bërë e ditur ka qenë statusi me të aktualisht funksionojnë këto ekipe që janë pjesë e shoqatës së basketbollit Vllaznia.

Kombëtarja shqiptare e basketbollit do të nisë të dielën grumbullimin e saj për ndeshjet eliminatoret e Kampionatit Botëror. Ndonëse ende nuk është bërë zyrtare lista përfundimtare e sportistëve të grumbulluar, mësohet se pjesë e saj do të jenë edhe dy basketbollistë të Vllaznisë. Bëhet fjalë për kapitenin Ervin Berdica dhe 19 vjeçarin Daniel Lekndreaj.

Basketbolli shkodran dhe ai shqiptar kanë humbur këto ditë një emër shumë të njohur: Ish- arbitrin Gëzim Dizdari. Ai është ndarë nga jeta në moshën 71 vjeçare por duke lënë pas kujtime shumë të bukura nga jeta sportive dhe jo vetëm. Kontributi i tij për shumë vite me rradhë ka qenë i madh në këtë sport teksa ka arbitruar me shumë pasion e ndershmëri por Gëzimi është njohur edhe për punën e shkëlqyer që ka bërë në Qendrën Kulturore të Fëmijëve, aty ku dhe ka dalë në pension.

Faqja e njohur “Jeta Osh Qejf” ka publikuar sot një denoncim të bërë nga një basketbollist i ekipit kombëtar të të rinjve (mbetet anonim), që është përzgjedhur në listën përfundimtare nga stafi drejtues. Por në vend që të shijojë këtë vlerësim, lojtari është ndjerë në siklet dhe hall, pasi për të përfaqësuar ngjyrat kuqezi i duhet të paguajë një shumë prej 30 mijë lekësh në llogarinë e Federatës Shqiptare të Basketbollit!

Dy institucione të ndryshme zbatojnë ligjin por në fakt, ata që e pësojnë janë sportistët dhe trajnerët. Federata Shqiptare e Basketbollit prej disa vitesh ka urdhëruar ekipet sportive të krijojnë shoqatat për të krijuar pavarësinë nga klubet dhe institucionet e pushtetit lokal (është e vetmja Federatë që ka vepruar kështu) por nga ana tjetër Bashkia Shkodër përmes Sportklub Vllaznisë, çdo vit ka akorduar mbi 60 milionë lekë të vjetra për ekipet e basketbollit të këtij klubi dhe po ashtu ka vënë në dispozicion të tyre edhe infrastrukturën e duhur sportive.

Suksesi i Vllaznisë në basketboll për të rinj që u shpall kampion i Shqipërisë për këtë sezon, padyshim që ka patur brenda kontributin e disa prej lojtarëve më kyç të saj. Një ndër to është edhe Fatjon Kuçi. Sidomos në ndeshjet e fundit të kampionatit, ai ka qenë një ndër më përcaktuesit në këtë sukses.Në një prononcim për gazetën "Shkodra Sport" megjithatë ai ndjehet modest duke thënë se meritë ka i gjithë ekipi. "Ndeshjet gjysmëfinale dhe ato finale, kanë qenë të dominuara nga ne dhe mendoj se nuk ka asnjë mendim ndryshe përveç atij që Vllaznia e meritoi këtë titull kampion. Ky ekip ka disa elementë të mirë me të cilën besoj se basketbolli shkodran mund të ecë përpara"- është shprehur Kuçi.

Ka patur fatin që të marrë ai i pari kupën e ekipit kampion të këtij sezoni në basketboll për të rinj. Edison Rrashketa mban shiritin e kapitenit të Vllaznisë dhe pas finales së fituar me Tiranën është zhvilluar edhe ceremonia e kurorëzimit të ekipit kampion ku padyshim që ai ka përjetuar emocione të mëdha. I ndjen edhe sot kur duke folur në lidhje me këtë sezon të fundit, për gazetën "SHKODRA SPORT" shprehet: "Ka qenë një sezon i shkëlqyer i mbyllur në mënyrën më të shkëlqyer. Kjo falë punës së të gjithë djemve, i stafit tekni, i mbështetjes së zjarrtë të tifozëve tanë sidomos në ndeshjen gjysmëfinale dhe atë finale".