SHKODRANET NEPER BOTE

Sulmuesi 21 vjeçar shkodran Bekim Balaj ka firmosur për tre sezone me Spartën e Pragës dhe tashmë ka nisur stërvitjen me ekipin e tij të ri. Interesant është fakti se ai është ka pritur shumë mirë si nga drejtuesit e klubit ashtu edhe nga tifozët e kësaj skuadre. Tashmë ajo çfarë pritet është vijë momenti I prezantimit në një ndeshje zyrtare. Ky klub ka harxhuar jo pak para për ta marrë atë dhe pritshmëria për bjondin shtatëlartë është e madhe.

Trajneri shkodran Samuel Nikaj do të jetë trajneri i ri i ekipit Flamurtari i Prishtinës. Akordi është arritur pasditen e sotme dhe shumë shpejt ai pritet të nisë punën me këtë ekip. Lajmi është bërë i ditur nga gazetaolle.com. Ajo ka konfirmuar largimin e trajnerit të mëparshëm dhe emërimin në vend të tij të Nikajt.
Është nënkryetari i klubit, Ymer Ademi, që ka konfirmuar lajmin.

Sulmuesi shkodran Hamdi Salihi ka luajtur sot ndeshjen e dytë të tij në Ligën e Kampioneve të Azisë me ekipin Jiangsu Sainty. Përballë këtë herë ka qenë ekipi japonez Vegalta Sendai dhe rezultati përfundimtar i ndeshjes ka qenë 0-0. Shkodrani është aktivizuar nga ana e trajnerit të skuadrës së tij në minutën e 60-të të ndeshjes me shpresë se ai do bënte diçka për t'i dhënë fitoren ekipit të tij por nuk ia ka dalë dot. Jiangsu kësisoj nuk ka arritur të marrë fitoren e parë në këtë kompeticion teksa edhe ndeshjen e parë e kishte humbur ndaj Seulit me rezultatin e thellë 1-5.