VOLEJBOLL

Afrimi i përvjetorit të 105-të të shpalljes së Pavarësisë do të shoqërohet me zhvillimin e një kupe nga ana e Federatës Shqiptare të Volejbollit. Ajo do të organizojë “Kupën e Flamurit”, një aktivitet miqësor me ekipet kombëtare të volejbollit për të rritur dhe të rritura, të cilatdo të luajnë ndaj kombëtareve respektive të Kosovës. Ky aktivitet do të organizohet në sallën sportive “Feti Borova”, pranë Tirana Olimpik Park, një event që do të bashkojë shqiptarët.

Pesë javë kampionat, pesë fitore për ekipin e volejbollit të të rejave të Vllaznisë. Ajo e sotmja ka qenë edhe më e rëndësishmja sepse është arritur përballë rivales së saj kryesore, Tiranës. Për më tepër që takimi është luajtur në sallën sportive "Fahrije Hoti" të kryeqytetit.

Pas disa momenteve të mira në kampionat, volejbollistët e Vllaznisë rikthehen tek humbja. Pasditen e sotme ata janë mundur 2-3 në kryeqytet nga Tirana në një sfidë shumë përcaktuese. Ka qenë një ndeshje me shumë emocione por që në fund i ka bërë të buzëqeshin bardheblutë.

Ndeshja e prapambetur e javës së gjashtë të kampionatit, ajo në mes Vllaznisë dhe Farka Volej, është luajtur pasditen e sotme në pallatin e sportit "Qazim Dervishi". Shkodranët kanë fituar pa vështirësi me rezultatin 3-0. Ata kanë bërë detyrën ndaj një ekipi që me largimet e disa sportistëve, tashmë nuk e ka më forcën e vjetshme. Kuqeblutë e drejtuar nga trajneri Adrian Mikopli, kanë dominuar lojën dhe në setin e parë ata kanë fituar me shifrat 25-20.