Vllaznia- Elbasani në gjysmëfinale për të rinjtë në Tiranë

Faza finale e kampionatit të volejbollit për të rinj në këtë sezon, do të zhvillohet në Tiranë, pikërisht në sallën "Fahrie Hoti". FSHV-ja ka përcaktuar edhe datat e zhvillimit të kësaj faze që do jenë 26-27 maj. Katër skuadrat e kulifikuara për në këtë fazë janë Vllaznia, Farka Volej, Elbasani dhe Tirana. Janë përcaktuar njëkohësisht edhe çiftet gjysmëfinaliste teksa Vllaznia do të ndeshet me  Elbasanin, më datën 26 maj në orën 16.00 ndërsa dy orë më vonë atë ditë do luajë edhe çifti tjetër, Farka Volej- Tirana.

Katër volejbollistë shkodranë grumbullohen në Kombëtare

Në grumbullimin e rradhës të kombëtares shqiptare në volejboll për meshkuj, trajneri Ylli Tomori, në listën e 22 kandidatëve, ka thirrur edhe katër volejbollistë shkodranë. Bëhet fjalë për Nikolin Qafarenën, Ditmir Rrashketën, Arion Çunin dhe Renato Kolën. Kombëtarja shqiptare po bëhet gati për dy ndeshjet e turit të parë eliminator të Kampionatit Europian teksa në datat 12 dhe 19 maj do të zhvillojë dy ndeshje me Britaninë e Madhe. Nga katër volejbollistët shkodranë, tre prej tyre luajnë në Shqipëri ndërsa Çuni luan në kampionatin francez. Rrashketa luan me ekipin kampion të Studentit, Kola me Teutën dhe Qafarena me Vllazninë.

Vllaznia mund edhe Studentin për të rinj. Sërish e para

Me të rriturit është histori tjetër ndërsa me të rinjtë, krejt ndryshe. Vllaznia e ka mundur lehtësisht Studentin për të rinj ndërkohë që me të rriturit është eliminuar prej kësaj skuadre në gjysmëfinalet e play off-it. Skuadra e trajnerit Mirjan Rrahishta, ka fituar dje pastër në Tiranë 3-0 duke mbajtur sërish vendin e parë në renditje edhe pas javës së 12-të me 32 pikë të grumbulluara. Në vend të dytë është Farka Volej me një pikë më pak dhe me rradhë Tirana 24, Elbasani 22 etj. Këto katër skuadra mendohet të jenë edhe pjesmarrëse në play-off dhe objektivi i Vllaznisë sigurisht që është titulli kampion.

Studenti fiton 3-0 në Shkodër dhe del në finale

Ekipi i Studentit e ka fituar edhe ndeshjen e dytë ndaj Vllaznisë dhe ka siguruar daljen në finale. Takimi është luajtur pasditen e sotme në pallatin e sportit "Qazim Dervishi" teksa ka nisur në orën 18.00 por për të përfunduar është dashur mbi 3 orë e gjysëm. Kjo sepse takimi është ndërprerë në setin e dytë ngaqë në ambjentet e pallatit të sportit është krijuar shumë tym nga hedhja e disa tymuesve dhe fishekzjarreve nga ana e grupimit të tifozëve "Vllaznit Ultras" që kishin shkuar për të mbështetur Vllazninë në këtë ndeshje. Por kjo gjë e ka bërë të pamundur vazhdimin normal të ndeshjes që është ndërprerë për gati 2 orë derisa gjërat janë qartësuar dhe atmosfera ka qenë e mirë në pallatin e sportit.

Vllaznia humb 1-3 gjysmëfinalen e parë ndaj Studentit

Sot pasdite në pallatin e sportit "Asllan Rusi" të kryeqytetit është zhvilluar ndeshja e parë e turit gjysmëfinal të kampionatit kombëtar të volejbollit për meshkuj në mes ekipeve të Studentit dhe Vllaznisë. Ka qenë një ndeshje shumë e bukur, e shoqëruar me rivalitet në mes dy ekipeve por në fund ka triumfuar Studenti që ka fituar 3-1. Skuadra e Ylli Tomorit ka fituar setin e parë në shifrat 25-15 ndërsa në të dytin është Vllaznia që barazon shifrat duke fituar 25-22. Pritej të kishte më shumë rivalitet në setin e tretë por nuk ndodh kështu sepse kryeqytetasit fitojnë 25-16 dhe pastaj edhe setin e katërt 25-13. Në këtë mënyrë është mbyllur ndeshja e parë gjysmëfinale në mes këtyre dy skuadrave ndërsa të premten në orën 18.00 në pallatin e sportit "Qazim Dervishi" të Shkodrës do luhet ndeshja e dytë mes këtyre dy ekipeve.

Vllaznia për të rinj mund Farka Volej dhe është e para në renditje

Ka qenë një ndeshje me shumë emocione ajo e zhvilluar paraditen e sotme në pallatin e sportit “Qazim Dervishi”  në mes ekipeve të Vllaznisë dhe Farka Volej. Kjo përballje është pritur me shumë interes sepse ndodheshin në parket përballë njëra-tjetrës dy skuadrat kryesuese të kampionatit. Ka patur shumë rivalitet  madje seti i parë është fituar nga tiranasit 25-21 ndërsa më pas vjen kthesa nga Vllaznia që fiton tre sete rradhazi, 25-20, 25-22 dhe 25-23. Në fund të takimit emocione tek tifozët e shumtë të pranishëm dhe më së shumti këto emocione janë vërejtur edhe tek trajneri i këtij ekipi Mirjan Rrahishta pas ndeshjes teksa për gazetën online www.shkodrasport.com është shprehur:

Korabi e mbyll me humbje. I fundit me zero pikë

Skënderbeu ka triumfuar sot në Peshkopi ndaj Korabit vendas me rezultatin 3-0, megjithëse seti i parë pat pak rivalitet por u fitua nga mikeshat në shifrat 19-25. Ndërsa dy setet e tjera folën tërësisht për korçaret të cilat fituan 25-1 dhe 25-15 dhe krejt takimi përfundoi 3-0 për Skënderbeun. Por më shumë sesa për rezultatin e ndeshjes, volejbollistet dhe stafi vendas i ekipit të Korabit e kanë patur mendjen tek shefi i klubit dibran Bashkim Lala që mbrëmë është dërguar me helikopter për në Tiranë dhe ndodhet në gjendje kritike për jetën.

Studenti- Vllaznia më 28 mars gjysmëfinalja e parë

Janë shtyrë ndeshjet gjysmëfinale të play off-itë të kampionatit kombëtar të volejbollit për meshkuj. Duhej të nisnin më 24 marrs, por drejtuesit e Federatës kanë vendosur të zhvillojnë në Tiranë një turne në nder të 100 vjetorit të Pavarësisë. Në këtë turne do të marrin tre skuadrat më të mira aktualisht të vendit tonë, pikërisht Teuta, Studenti dhe Tirana si dhe Shkëndija e Tetovës. Ky turne do të zhvillohet në datat 24-25 mars. Pikërisht për shkak të tij, janë shtyrë pra ndeshjet gjysmëfinale të play off-it. Në këtë mënyrë, ndeshja e parë, ajo në mes Studentit dhe Vllaznisë do të luhet në Tiranë më 28 maj. Çifti tjetër i gjysmëfinaleve është Teuta- Tirana. Sigurisht që Studenti dhe Teuta janë favorite për finalen por kjo nuk do të thotë se dy ekipet e tjera do jenë pasive.

Vllaznia kalon Skënderbeun. Tashmë në gjysmëfinale

Ekipi i Vllaznisë në volejboll për meshkuj nuk ka hasur në ndonjë rezistencë të madhe në ndeshjen e dytë të turit çerekfinal të play-off-it të kampionatit kombëtar. Pasi e kishin mundur tre ditë më parë në Shkodër me rezultatin 3-1 Skënderbeun, në ndeshjen e dytë, të luajtur dje në Korçë shkodranët kanë fituar pastër në shifrat 3-0. Ndeshja nuk ka patur shumë histori teksa djemtë e trajnerit Kalaja kanë bërë detyrën duke fituar dhe duke kaluar në turin tjetër. Me rezultatin 2-0 pas dy ndeshjeve të para, ka qenë e panevojshme zhvillimi i ndeshjes së tretë në Shkodër.

Vllaznia mund Skënderbeun 3-1 në çerekfinalen e parë

Turi çerekfinal I plej-ofit në volejboll për meshkuj, ka nisur me fitore për Vllazninë. Ajo ka mundur në ndeshjen e parë ekipin e Skënderbeut të Korçës. Ndeshja e parë mes këtyre dy ekipeve është luajtur paraditen e sotme në pallatin e sportit “Qazim Dervishi” dhe është fituar nga vendasit 3-1. Në fakt, ndeshja ka nisur më mirë për miqtë të cilët fituan setin e parë në shifrat 25-16 dhe kjo gjë e shkundi trajnerin Kalaja dhe volejbollistët e tij. Si rrjedhojë, kanë arritur të barazojnë shifrat e seteve në 1-1 menjëherë më pas duke fituar 25-19. Vetëm kaq do ishte rezistenca e korçarëve sepse në setin e tretë ata do munden thellë 12-25 dhe po ashtu edhe në të katërtin 15-25. Me këtë fitore Vllaznia është shumë pranë kalimit në turin gjysmëfinal megjithatë do jetë ndeshja e dytë ajo që do ta vendosë këtë gjë.

FUTBOLLI I FEMRAVE

HISTORI