Dita e sotme përkon me katërvjetorin e vdekjes së ish-trajnerit të Vllaznisë por edhe të kombëtares U-21 të Shqipërisë Artan Bushati. Pikërisht në këtë ditë, KF Vllaznia ka vendosur ta kujtojë duke organizuar një ndeshje futbolli dhe në këtë takim pritet të jeë të pranishëm përveç drejtuesve të saj edhe përfaqësues nga FSHF. Në mungesë të ekipit të parë që ndodhet ende në Mal të Zi për stërvitje, në fushë do të zbresë Vllaznia B që do të ndeshet me Vllaznia U-19.
Klubi shkodran ka ftuar edhe sportdashësit për të qenë të pranishëm në këtë ndeshje miqësore në mënyrë që të gjithë sëbashku të përkujtojnë këtë figurë të shquar të futbollit shkodran dhe atij shqiptar që u nda nga jeta në mënyrë të parakohshme katër vite më parë.
