Kuqeblutë rikthehen tek rezultatet pozitive por në Gjirokastër pasditen e sotme nuk ia kanë dalë të fitojnë dot dhe për këtë arsye i janë gëzuar barazimit pa gola ndaj Luftëtarit. Vllaznia iu afrua golit në pjesën e parë kur Pjeshka pas një harkimi në zonë nga Lika goditi tranversën.
Po gjatë kësaj pjese edhe Ribaj ka një mundësi të mirë për të shënuar por nuk ia del dot. Në të dytën, janë gjirokastritët që zotërojnë më shumë topin, por nuk arrijnë të shkojnë dot te porta kundërshtare. Vendasit pretendojnë për penallti në dy momente në fundin e takimit, por nuk është i të njëjtit mendim kryesori Ziri. Rezultati 0-0 përligj plotësisht lojën e të dyja skuadrave.
Luftëtari (4-2-3-1): Miraka, Toledo, Rapa, Beqiri, Rapo, Ramadani (Hoxha 79’), Brahimaj (Rroca 66’), Abazaj, Aleksi, Bregu, Nunez (Lamçja 60’) Tr: Daniel Fernandez
Vllaznia (4-5-1): Selimaj, Gocaj, Pjeshka, Orelesi, Marku, Çinari (Kalaja 83’), Hasani, Krymi, Bardulla (Vucaj 72’), Lika, Ribaj (Atsina 88’) Tr: Armando Cungu
Gjyqtarë: Blerim Ziri, Endrit Veseli, Erind Burgu,
Kartonë të verdhë: Marku 30’
