Ekipi i futbollit te Vllaznise se femrave ka lene dje Shkodren per t’u vendosur ne Podgorice ku do t’i jape doren e fundit pergatitjeve per ndeshjen e se dieles te vlefshme per finalen e grupit 10 te “UEFA Women Champions League”.

Por nderkohe pasditen e djeshme vajzat shkodrane nen drejtimin e trajnereve Leka dhe Rexhepi kane zhvilluar edhe nje seance stervitore ku i eshte kushtuar me shume rendesi pergatitjes taktike. Kujtojme qe ditet e fundit me skuadren jane bashkuar edhe dy futbolliste te tjera amerikane te cilat duan pak kohe te ambjentohen me pjesen tjeter te saj.

Atmosfera ne kampin shkodran duket shume e mire dhe te gjithe besojne tek kualifikimi. Nderkohe ekipi ka vijuar me procesin stervitor edhe paraditen e sotme nderkohe qe pasdite do te udhetoje drejt Petrovacit per te ndjekur nga afer ndeshjen ne mes kampiones malazeze Breznica dhe asaj sllovake Spartak Myjava.

Fituesja e ketij çifti do te jete kundershtarja e Vllaznise diten e diele ne perballjen qe do te luhet po ne Petrovac duke filluar nga ora 18.00, nje sfide kjo qe pritet te ndiqet edhe nga nje numer i konsiderueshem tifozesh shkodrane.

Vllaznia e presidentit Lazer Matija synon fitoren dhe kualifikimin per here te trete ne keto kater vitet e fundit ne mes 32 skuadrave me te mira te Europes dhe me perforcimet e bera, padyshim qe kjo eshte mese e mundshme./SHKODRA-SPORT.COM/